Pope in Vatican ih harhdam nak hrang fund paisa zoh fel tu ding thar a bet. July 18, 2020

Pope in Vatican ih harhdam nak hrang fund paisa zoh fel tu ding thar a bet.

July 18, 2020

            Pope Francis cu manisunah Italy miphun, Doctor Giovanni Battista Diglietto cu Vatican ih harhdamnak lamih Fund paisa zoh fel tu tiin a ret thu a than. Cui fund cu "harhdam nak thawn pehpar mi bawm nak pe dingmi fund paisa" (Fondo di assistenza Sanitaria (FAS) tiin an ko. A hlan ih a zoh fel tu cu Stefano Loretti asiih, himi sinakin (2017) ihsin a la zo. A thar hril mi cu kum (72) a si zo ih, Rome khuapi ih "faphir" (Gemelli) tiih hmin pek mi siizung ah pumpi lam thawn pehparih mikhuai tu siibawi tiin tuanvo a neih nak kum (20) a si zo.

            Himi siizung ih dam ter nak a ngah tu Pope John Paul (II) cu (,May13, 1981) meithal thawn kahnak a tuar laiah a kuttang ih siibawi tiin a tel tu khal a si. Himi fund paisa cu harhdam nak thawn a pehpar ruangah hi fund paisa a cohlang thei tu pawl cu Vatican hrang ih hna a tuan rero tu a tui a tuan tu le a cawl zo tu pawl khal in an co thei. Himi fund paisa cu (1953) kum ah a hmaisabik din a rak si. Asinan fund cu kum tampi tidaan a phunphun in thleng asi. A tu neitabik Upadi pawl cu rem in Pope ih lungkim mi cu (2016, October) ah rem a si.

            A thar rem sal mi Upadi in (2017) kumah a thok sal. Tuui thla (July, 18) niah harhdam nakih fund ah tuanvo neitu Msgr. Luigi Misto in Vatican thuthang zungih thusuh nakah himi pawlkom din nak cu Nu Pawlpi ih nunphung zirh mi thawn kaih mi asi thu a sim.

            Msgr in hitin a sim bet. Hmanhman ten ti asile (2017) cu tuanvo nei tu pakhat ih kum (5) a kim kum khal a si. 2017 kum ah Upadi pawl rem sal thei asi ruangah ka lung a awi. Cui rem mi Upadi ruangah a hlan kum hnak in Vatican in euros (3.6) tan hrawng ren a theih. Tiduhsan cu tan 5 hrawng Vatican ih harhdam nak thawn pehpar in tumtah nak sungah pek sal a theih thu Msgr in a sim a si. Hi mi thuthang cu CNA thuthangih kan ngah mi a si. Ca a rak siar tu nan zate parah lungawinak tam pi kan nei.

https://bit.ly/2WAqJXW