"Pope, Vatican" tiin tuam in cerek 3 ret ih kuat mi ca neitu theih asi zo thu Italy police pawl in sim (August 10, 2021)

"Pope, Vatican" tiin tuam in cerek 3 ret ih kuat mi ca neitu theih asi zo thu Italy police pawl in sim

August 10, 2021

            "Pope, Vatican" tiin tuam in cerek 3 ret in kuat mi ca nei tu zo asi timi cu an haisuak thei zo thu, asinan a hmin cu upadi daan vekin an sim thei hrih lo. A tuah tu cu French rammi asi thu, Vatican humhim nak pawlkom khal in an theih zo thu, a tu ah cun Milan ih police pawl khal in Vatican humhim nak pawlkom thawn pehtlaih awk nak an neih thu, a tu ah cun a thil tuah mi ruangah a cang thei mi buai nak pawl khal an zingzoi rero thu, Italy thuthang zung ANSA ih an sim nak vekin mi tampi ih an theih duhmi cu a zingzoi reto tu pawl cu a tuah tu khui ah a um ti an theih thu, curuangah amah cu France ah maw, asilole Rome, St.Peter tual ah timi an thei duh tiin an sim.

          Italy police pawl ih an lang ter nak vekin cui ca sungah 9mm a sau mi hriamhrei then 3 a tel thu, cui then 3 cu meithal pawl ih hman mi thilri a si thu, himi tuah nak cu Vatican ih sumpai lam thawn khal a pehpar aw thei. Thuthang thar an suah mi ah a tlun ih simmi thilri pawl thawn ca sung ah Euro 10 tan khal a tel thu, ziang thu ruangah a si, ziang mi duhsan in a tuah timi theih asi hrih lo. A kuat tu ih hmun a tel lomi ca cu France tacik ben a si thu, "Pope, Vatican, St.Peter tual" tiin a ngan thu, himi ca a hmaisabik a thlennak cakuat nak zung cu Milan khuapi ih nisuah nak thlanglam peng 7 a hla mi Pesdhiera Borromeo khuapi ah a si ih, cakuat nak zung tuanvo nei tu in thunei tu pawl hnen theih ter nak a nei loih pehpar awk nak a nei tu pawl hnen a sim ter thu, cumi rinhleh za asimi ca cu August 8 zan ah a thleng mi ca pawl cu ramthen, khuapi, a veng in felfai mi caan ah hmuh a si htu a sim. Himi thuthang cu CNA thuthang ihsin kan don mi a si.

https://bit.ly/37AHcRg