Puithiam Ragheed Ganni Mithianghlim ih khaisannak thuhla cu zumnak hrangah Puithiam le martyr a si ruangah tiah sim. (August 19, 2022)

Puithiam Ragheed Ganni Mithianghlim ih khaisannak thuhla cu zumnak hrangah Puithiam le martyr a si ruangah tiah sim.

(August 19, 2022)

          Martyr Archbishop Faraj Rahho ih secretary a rak si dah ih a thianghlim mi thlarau la buaih ngah mi Biakinn ih Parish Puithiam, Fr. Ragheed Ganni cu martyr dinhmun in thah a rak tuarnak kum 15 a rei thlang. Fr. Ganni cu rei lo te ah “Blessed” ah an khaisang ding.

          Fr. Ganni cu Iraq ram, Mousul  khuapi, Thiang Thlarau Pathian Biakinn ih Missa sumnak theh hnu, 2007, June 03 ah ruahnak luan pawl ih thahnak rak tuartu, thuneihak nei tam mi martyr pawl sungin pakhat a si.

          “A tlaitluang zet mi thinlung zumnak ah thinlung thakhohnak” ti mi tongfang pawl cu Fr. Ganni a sirhsan thei tiah Erbil ih Archbishop Bashar Warda in 1997 ah Ireland ram ah Fr. Ganni thawn an tonawk lai ah a rak sim. “Love Derg” kuasung Biakinn ih thlacam dingah le ruahnak tha dil dingih a thleng tu khawmzawhtu pawl rian dingah Fr. Ragheed Ganni a rak dil ah sawmnak a rak cohlang ihlungawinak cu kan thinlung sungah a rak um” tiah a rak sim bet.

          Archbishop Warda ih sim vek si le martyr, Fr. Ragheed cu mino pawl thawn naihniam zet mi pehtlaihnak a neih thu le mino pawl cat bang loin a kom ih an thlarau lam le Biaknak lam khal a rak tuahsak tiah a sim. “A kaihhruainak thawn mino pawl thawn naihniamnak upat zettu ih a tel thu, pa pakhat, u pa pakhat, le an zate hrangah fimnak pektu pakhat khal a si” tiah Bishop in a rak sim bet.

Fr. Ragheed Ganni ih nunram thuanthu

          Fr.  Ragheed cu Mousul khuapi ah 1972 ah a rak  suak ih cui hmun ah university a rak kai ih civil engineer buaih a rak ngah. A nauhak lai in Pawlpi a rak duh zet ih biakthawinak caanserh thawn pehpar mi tidaan pawl le hla pawl a rak zir. A nunram khal Pawlpi hrangah upat tlak Puithiam pakhat dinhmun i hap dingah a rak botcat. Curuangah Bishop Georgios Jarmo in a mai Puithiam nunram hramthok zinzoinak nunram thok dingah Rome khuapi ah 1996 ah a rak thlah. A  mah cu Ireland hrambun mi university ah a rak zir ih Theology cu the Pontifical University of St. Thomas Aquinas-Angelicum ah a rak zir bet.  

          A zir duhnak thinlung cu 2003 ihsin ruahnak luan Islamic pawlkom pawl ih hremnak ruangah harsatnak tong rero tu a suahnak khuapi Mousul ih zumtu pawl le pawlkom sungtel pawl rian dingah a si. A duhnak famkim dingih a silhkhah can ah Mousul khuapi ah a rak tlung ih a khuapi pawl a riah ih hlei ah Babylon Theology le Philosophy College ah 2004 ah an rak zirh.

          Hi caan sungah Mousul khuapi cu hringhronak pawl, kaih tuarnak pawl, Christian pawl thahtuarnak ih hlei ah Puithiam tampi le Biakinn pawl, bomb puahnak pawl nasa zet in an rak tuar. Minung tampi khal beu dingah le luat dingah Iraq ram saklam khua pawl le a dang khuapi pawl ih tlan dingah forhfialnak an rak tuar. Innsungsang tampi khal an nunram le Biaknak lam zumnak pawl hringhronak pawl ruangah a dang ram pawl ih thawn dingah forhfial an rak tuar.

          Fr. Ragheed hrangah cui hniksaknak pawl du donkhamtu pawl an si lo. A mah cu Parish sungih um Biakinn pawl Missa raithawinak pawl le Tuukhaal hnatuan pawl a rak tuan ih hniksaknak besia bik caan ah Biakinn ih um nauhak pawl hrangah ziaza le thlarau lam bawmnak pawl silhkhah in a rak tuan. Fr Raghees ih a rak sim theu mi du cu” tuahmawh tu pawl in kan nun ram a cem ter an duh konan Sacramentu in nunnak in pek. Chalice khuat cu ka kut in ka kai ih” hi mi cu hi mi cu lei tlunsualnak tlentu Pathian ih Tuufate a si ti ih a ti tikah Bawipai thazaang cun I huap. Kei mah cu Chalice khuat kai tu ka si ih Bawipa cu kan zaten in kaih ruangah tuahmawh tu pawl kan kham thei ih a cem theilo mi a duhdawtnakah in kom ti a si.

          Fr cu a mah thawn nai tu pawl thawn an biakawk tinten hleice tak in upatnak thawn a sim theu mi cu ‘Amah cu Jesuh khrih ih hmin in thuthangtha darh dingah a ap awih tuahmawh tu pawl cun thlarua lam hringhronak (lole) kan ruangpi thah ding lawng an ruat.Khrihtian tampi khal an tlan ih tuahmawhnak pawl ruangah thihnak in a thosal mi Bawi Jesuh in a nunnak a pek nak a si’ ti a si. Hi tongkam cun ruahsannak thawn nitin nung dingah in bawm rero.

          PawlPiih mino pawl cu Fr Ragheed ih hohanak thawn cangvaihnak phunphun an tuah rero ih hringhronak pawl cun Bawipai hnen an pan. A mai Parish cangvaihnak pawl cu Mosulih um tuahmawhtu pawlkom pawl thin a heng ter ih thahnak a tuar ding tiih hringhronak pawl a rak um.

          June 27, kum ih veilinak Zarhpi ni ah Missa sumnak cu Deacon pathum a si Basman yust Daou, Waheed Hanna-Isho, Ghassan Essam Bidawid pawl thawn rai thawinak an tuah theh hnuah tuahmawh tu pawl in an rak kai.Cui caan ah tuahmawh tu pawlin an rak suh mi cu ‘Biakinn ong lo dingin kan lo sim si lo maw?’ an tiih a leh sal mi cu ‘keimah din hmunin ziangtin saw biakthawitu pawl hmaiah Pathianih innpi khar a theih ding ti a si. Hi tongfang pawl cu Jesuh Kheih le PawlPi hrang Martyr a si hlanah Fr. Ragheed in netabik a tong mi pawl an si.

          Fr Ganni ih netabi thlacam

Islamic tuahmawhtu pawl dinhmun in dam in an zuah nawn lo ding ti Fr Ragheed ih a theih ruangah an thu ngai duh loin mosul ah Missa sumnak a raktuah nak a si. Curuangah 2006, oct12 ah Fr. Cun netabik a thlacamnak a rak ngan ta. Aw Bawipa hi pawl in ka thlacamnak ziangah an siar lo ding; sikhal sehla mitin in a tha zawngih hmutu an ti laiah hi thlacamnak cu a sia lam ih hmutu thlacamnak pakhat ah a rak cang. Cu pawl cun malte sung an hngilh men thei. Ziangah saw a tha zawng ih hmutu ka rak si ti hman in an rak ruat. A harbik caan pawl hmanah ka hni; karal a tha sawn ih k arak cak ti an hmu.

          Ka dam caan pawl le k arak ton mi harsatnak pawl an theih tikah thanau mi ka si ih Bawipa nangmah lawngin na ti thei thu, Bawipa nangmah lawng na cak ti langter hram aw. Ka ruahsan nak pawl cu Bawipa nangmah ih thucah pawl an si thu an thei ding. Ziangah tile nangmah ka lo thei ih thil tha lam ih ka hmuhnak khal Bawipa nangmah na rak si ruangah a si. Ka thih caan a kim tikah nangmah thawn I umter hram aw. Keimah hnakin Bawipa nangmah in na thei sawn.

          Kei cu minung pakhat ka si vekin ka tha mal ti na thei.Ka Puithiam nun ram cu zohmanih an hnaihnok thei lo dingah Bawipa nangmah lawng ka thazaang rung s ihram aw. Mai nunram hrangah ka tih ruangah a sung pek in thazaang mal mi si lo dingah I bawm hram aw. Ziangah tile, Bawipa nangmah  hrangah ka nunnak hlan ka duh. Bawipa nangmah lawngah um ka duh. Nangmah thawn tongaw thei dingah tu ka man zo. Tulforhnak caan ih sung lo dingah I bawm hram aw. Minung pawl ka theih vekin Bwipa khal ka theih thu ka au pi ding.

‘Aw Bawipa ka thazaang, ka cahnak, ka ruahsannak Bawipa,

https://bit.ly/3T6mZJw