Pulh nat sia cu zum nak mit thawn rulh kir dingah Philippines Bishop pawl in forhfial. ( August 12, 2020)

Pulh nat sia cu zum nak mit thawn rulh kir dingah Philippines Bishop pawl in forhfial

          Filippines Catholic Bishop pawl pawlkom in kawhhranpi pawl hnenah leitlun pumpuluk ih ton mi pulh nat thawn pehpar in zumnak mit, duhdawtnak thinlung le thutak ih hriamhrei thawn rul kir sal dingah Bishop pawl in an tuu rual pawl hnen ih an kuat mi ca ah thazaang an pek. Cui ca cu August 12, tlawngkai nithumni ah an suah ih thutak theih thei nak daan lamzin on dingah an forhfial.

          Ca sungah Bishop pawl in Catholic fimthiam nak hotu pawlkom pawl hnenah pulh nat thawn pehpar awn in mipi pawl hnenah tha zet in le kau zet ih thu than ding, thuthang suahnakah ralrin ding, sience ih tuan nak vek in le Nu pawlpi, Catholic pawlkom thawn pehpar mi thu zirh mi pawl thawn kaih ding.

 Sii vai, fimthiamnak cu a thupi ih kan zingzoi mi a si lo nain Nu pawlpi, Catholic ih nunphung thawn pehpar mi lamhmuh mi le zirh mi parah bun aw in tu ih ton rero mi pulh nat cu ziang ti vek in kan do ding ti cu ruah ding a si thu, milai nunnak runnak le nat ih a thuk a puan zingzoi nak thawn pehpar in Filippines mipi pawl hnenah tihphan nak le thinhar nak pawl a mal deuh ding a si.

          Kawhhranpi pawlkom pawl khal in zingzoi tlan nak, cek fel nak pawl tuah ding le hmuh dan a phunphun in hlawm aw in harhdam nak thawn pehpar mi harsat nak pawl mal ter ding, hawl hmuh mi cu voikhat voihnih ah mi tampi ih pom mi pawl thawn tla a kalh aw men thei nain than tho tho ding.

          Cu vek in mipi pawl khal in an thuhla hngetkhoh ih cohlan theih ding mi ih an sim mi pawl ngai dingin ruah dan sual ter mi thuthang pawl do ding a si thu, thuthang zung pawl khal in thuthang than tikah cek ci ih sim dingah, khat lam lawng zoh lo ding, sience le thuhla pawl cu leiram dinhmun thawn pial aw in a tul lo mi lockdown vek a si lo ding thu, curuangah thuthang pawl cu rin an tlak lo ih tihphan nak um lo in thudik hmu ding a tul thu, thuhla theih theh hnu ah cui thuhla cu Pathian thuthangtha tleu nak thawn ziang vek in kan sim fiang ding ti khal ruah ding.

          Hi vek ih tuah nakin kan nih Christian pawl ih nunphung tuanvo lak nak a si thu, curuangah zalen mi kan ruah nak, cangvaihnak, tongkam le tonawkhawm nak cu pom ringring dingih humhim ding thu khal tel in an sim.

          Hi thuthang cu August 14, 2020 ah Radio Veritas Asia ih kan ngah mi a si.

https://bit.ly/32xy8K3