Pulh nat sia lak ah Catholic Sister pawl in thazaang nei lo mi pawl an bawm. June 23, 2020

Pulh nat sia lak ah Catholic Sister pawl in thazaang nei lo mi pawl

an bawm. June 23, 2020

          Ghana ih um mi taksa kim lo ih hnon a tuar mi nauhak pawl kilkhawi dingah Catholic Sister pakhat a si mi Sr. Stan Mumuni cu a mah le a mah a rak ap aw.

          Nitlak nak lam Africa ah Coronavirus caan ah Sister cu dawr ah a tlan ih nauhak pawl hrangah Sapian le a tul mi dang pawl lei dingah a tlan nan dawr pawl cu let thum in thil man a kai tiin June-23 ah Internet par ih an thurelkhawm nak ah Sister in a rak sim.

          Kan um nak cu a farah zet mi hmun a si. Minung tam pi cu rawl lo in an thi zik thlang. Kan mai nei mi te thawn kan bom thei tawkin kan bawm rero tiah a rak sim. Covid sung innsungih um caan khalah a hnen ah phone in an ko ih hlon a tuar mi naute pawl sar dingin le thih zik te naute pawl tla sar dingin an sim. Siangbawi pawl hnen khalah Ph thawn an ko ih harsat nak a tuar tu naute pawl ra bawm dingah le cawm dingah an fial a si.

          Sr. tu rori ah ra tlan zaang aw! Nauhak pahnih an that aw tum ih kan rak run. A dang Pakhat cu a nu in a hrin theh veten a thih san ih nauhak cu hnam nei tin an ruat. "Pakhat khat kan tuah a tul Sr" tin sun ti lo, zaan ti lo in Phone in a thei thu, kan mah cu pumpe aw in harsat nak lakin sual nei lo nauhak pawl kan run rero.

Minung nunram ah kan mai Pathian hnatuan nak cu minung nunnak run ding, thlarau pawl run ding, Pathian ih duhdawt nak thuthangtha keng vivo ding hi a si. Kan nih Sr. pawl cu nauhak deuh sungin nurse kan si ih upa pawl cu a leng an pot ih mi harsa pawl hawl in an bawm.

          Italy le leitlunhuap ih um mi Sister pawl cu ulh nak thawn an ti thei daan in mi a bawm tu an si. Hi mi cu thei in sunlawih tlang uh si tiah Sr.- Stan in Online ih thu rel khawmnak ih a sim mi cu CNA  thuthang in kan thei thei.

https://bit.ly/3ey0Z5H