Pulhnat caan sungah France ram, Lourdes Bawinui puai ih a tel thei lo tu pawl hrangah Drone thawn zoh thei dingah timtuah sak (February 06, 2022)

Pulhnat caan sungah France ram, Lourdes Bawinui puai ih a tel thei lo tu pawl hrangah Drone thawn zoh thei dingah timtuah sak

(February 06, 2022)

          2020, March thla, pulhnat tam caan ah hminthang bik mi khawmzawhnak caanserh pawl sungin pakhat a si mi Frane ram, Lourdes Bawinui puai cu pulhnat ruangah thuanthu ah hmaisabik mipi pawl biakthawinak cu rikhiah ih tuah a rak si. Pulhnat ruangah Lourdes Bawinu hnenah mi tampi feh a theih lo nan zoh in thinlung ten tel a theih thu drone vanzam hotu le digital technology hmangtu Clian de La Rochefoucauld in a sim.

          Hi project ih tumtahmi cu kan mai rothil pawl mitin zem thei dingah a si. Hrekkhat pawl cun a dang buainak pawl a um ruangah hi hlawnthil pawl um nak ah feh a ngah lo. Hi tawk a ra duh tu pawl ruahnak ah nan ra thei lo si lo maw? Hi mi ah thinphang hlah uh. Kan mah in rualpi pawl hnen tong dingah kan ra ding’ tiin a tuah tu in a sim.

          Bawinui tualrawn cu a kau zet ih mah pakhat lawng um tikah a fate vek ih ruah a si thu, hi tualrawn cu pakhat lawng a si lo ah cun ziang tluk a tum ti hmuh a theih lo thu, cule Christian pakhat hrangah hi hi duhnung za a si ih zoh thim tlak thil pakhat a si thu a tuah tu in a sim. Hi tualrawn zoh dingah Online (youheritage.com) le Sanctuary of Lourdes App in zoh a ngah tiin khal a sim.

          A tuah tu Clian de La Rochefoucauld ih a danglam mi hi project cu ram 162 ih mipum 53, 000 hrawng hnenah a thleng zo. Lourdes Bawinu hnenah mah rori feh nak ih hmuh tonnak cu ziang hman ih thlang thei lo ding tiangin a tha sawn ti a si ko nan a mai drone pawl cu hi tualrawn hmun pawl le nunphung lam hmun pawl ih zoh dingah mi tampi in an duh ding tiah a ruahsan.

          Hi thuthang cu Rome Reports thuthang ih kan ngah mi a si.

https://bit.ly/3gvIlxQ