Pulhnat theh ah leilung pumpi ih hngak dingmi Puithiam

Pulhnat theh ah leilung pumpi ih hngak dingmi Puithiam

            Covid pulhnat cu nunphung, pursum leilawn nak, ramkhel lam lawng siloin, biaknak lam khalah thleng awk nak tam pi a cang ter. Tul caanah umpiin kawhhran mipi pawl mai biak nak lam hotu pawl an rinsan deuhdeuh vekin mai humhim nak lawng a hleice ih ret ruangah kawhhran mipi pawl thawn hla pi ah um in kawhhran mipi pawl biak nak lam le biak nak lam hotu pawl ih bom nak um lo nak pawl ruangah biak nak lam hotu pawl parah zum nak mal nak, rinsan duh nak um nawn loin, khat le khat karlak mi khual vekih um nak pawl, ruah nak pawl a um. Hitivek nai deuh ih um nak le hlat awk nak thehah leilungpi a hngakhlap ding mi biak nak lam hotu phun cu Pope in a sim.

            Archbishop Jorge Patron Wong cu Mexico ram mi a si. Amah cu leipar ih Catholic Siangbawi pawl nun zirh awk nak pawlkom pi ih tuanvo nei tu a si. Amah cu March 29 ah Pope amah rori in a tong. Cuini cu Pope Francis Mexico ih tuukhal khual tlawn nak kum 5 kim ni khal a si. Bishop in "cui ton awk nak cu leilungpi ih Siangbawi pawl Pope in pai duhdawt nak a lang ter mi tonawk nak a si" tiin a ruat. Ziangruangahtile Pope Francis in a tui tonmi covid theh ah mipi in nuntu khaw sak nak tun ding sal nak ah leilungpi in ziang vek Puithiam an tul an duh ding timi tiang in a sim.

            Pope in leilungpi ton rero mi buai nak pawl, nunphung pawlkom ih buai nak pawl, tuahmawh nak pawl, nunphung le sumdawn nak bangran nak um lo nak, thleidagn nak, um tlan daan mawi lo. Kiangkap karlak, ahleice in mino pawl karlak ruahsan nak um nawn lo nak din hmun pawl Pathian vekih nunnem nak thawn zoh ding ah siseh, Puithiam pawl hnenah an fimthiam nak an cah nak pawl cu covid nat ruangah a di thluh mi pehtlaih awk nak tuah sal dingah hmang dingin siseh, tuu khal pawl cu upat nak tuah nak pehtlaih awk nak kha minung pawl karlak, pawlkokm pawl karlak, nunphung pawl karlak ah tuah sal dingah kawh nak ngah tu an si thu, hitivekin tuah dingah an zaten Pathian thawn rem ter tu ding an si. Cuihnu a thuhman um sal dingah kan thazang kan suah ding. Puithiam pawl cu an um nak kiangkap ah siseh, Diocese sungah siseh duhdawt nak le remawk nak lang ter dingah tuanvo a nei.

            Pope ih forhfial nak thawn pehpar in Bjshop cun an ruah nak vekin a sim sal mi cu nunnem mi Puithiam cu harsat tuar tu pawl, midang thawn khal siseh, innsang sung khalah siseh, khat le khat pehtlai awk nak ah siseh, ziangvek hmun khal ah siseh nel awk nak tuah tu a ti tiin a sim. Pope cu Mexico ram ih Puithiam le Puithiam tuan ding tu Brother pawl thawn tong aw in thuthangtha a rak sim nan leilungpi ih hmailam Catholic Puithiam pawl hrangih thucah ni khal a si tiin Bishop in a ruat.

            Pope in pehbet in leitlun bank hnen "hmunkhat ten um nak ti tikah malte khawp lo ih bom nak a ti duh mi a silo. Pope cu covid nat dam ter in leilungpi tah nak thawn din sal dingah, hitivekih tuah nak ah farah sin sin in, thanso nak a nuam te mi ram pawl hnen leilungpi sumdawn nak ah thleng thei dingah caantha on sak dingah, sumdawn nak, sumpai lam le nunphung pawl ah thuhman tuah vivo tinak ah tuah menmen, pek menmen, bom menmen a si lo. Thuhla ruat in komkhawm in tuah ding a si thu 2021 leitlun bank le leitlun paisa san nak pawlkom ih thal caan thurel nak ah Pope in a sim. Tui kum ih a hleice rel mi thuhla cu "leiba thuhla le sumdawn nak tha sal ding" pawl a si.

Photo courtesy of: DW

https://bit.ly/3uM6ll