Pyithaungsuh nih (Ramdin khawm ni) (Union day) thutawi rel nak. 12.2.2021

Pyithaungsuh nih (Ramdin khawm ni) (Union day) thutawi rel nak.

12.2.2021

            Himi thu hi santhar mino pawl theih koh nak hrang ih kan run rel mi a si. Ziangahtile kan ram thuanthu a siih hleiah mi zokhal ih theih tul mi asi ruangih ka run rel mi a si.

            Pyithaungsuh nih ( RamPi din ni) kan ti tikah kan zaten kan theih cia mi a si ko nan thei fiang hrih lo tu pawl hrangah hi hmun in run lo hlawm ve ka duh.

            Pyithawngsuh ni thu ah hin kan Kawlram san thuanthu a tluantluan ih kan zoh asile Anawyaathar, Bayinknaung, Alawngmintaya timi Siangpahrang pawlih kut sungah Kawlram pumpi hmun khat ah an rak um dah. Asinan British (mirang) pawl ih run uk asi hnuah cun taingyintaa pawl cu a dang ten ih uk asi nak ruangah, taingyintaa khat le khat nel awk nak um loin then thek awk nak pawl a rak cang dah. Birtish mirang pawl ih kut hnuai in luat thei nak dingah kum 70 sung rori an rak zuam nak cu, hmun rawn mi le tlangpar mi hmunkhat ten rak zuam ti a um dah lo. Asinan Japan pawl do dingah cun taingyintaa pawl lungrual zet in an rak do suak thei.

            Rampi zalen nak ih pa asimi Bo Chuk Aung San le ram pi upa pawl ih rak zuam nak ruangah rampi mah te rak uk awk cu ruah ban lo tiang in a rak cang suak ko nan, mirang pawl in tlang par mi mipawl an mai uk nak hnuai ihsin luat ter an duh lo ruangah tlangpar mi pawl cu a phunphun in an rak lem.

            Kum 1946 January thla sungah Swetagon siti ih an tuah mi zqyv Phasahpalah thurel nak ah Kawlram mah te uk awk nakih zuam nakah taingyintaa zaten kut za kai tlangin a zalenmi rampi din dingah thu bawt cat nak an rak nei ih an tumtah mi hlawhtling dignah ram ih upa pawl in an rak zuam mi asi.

            Shine Saw Buar (&Srf;apmfbGm;) pawl hnen thu rel tlang dignah Shian ram sak le thlang ih a lai fan nak asimi Pinlung myo ah 1946 January thla sungah an tuah ih Kawlram hruai tu asimi ocifEk? OD;busrf;? ref;bcdkif pawl feh in minung pawl ih uk nak sungih luat le luat lo ding lak ih a rak um rero tu pawl simfiang nak an rak nei.

            1947 January thla ah Bo Chuk Aung San hoha in ram aiawh tu pupa pawl rampi mah te uk awk nak hrang feh in, hmun rawn le tlangpar hmunpawl khal mahte ukawk nak pe dingin an rak dil. Bo Chuk Aung San le a rualpi pawlin tlangpar mi tel loih Kawlram mah te ukawknak ngah ding cu san a nei lo ruangah tlang par mi pawl khal hmun rawn pawl thawn hmunkhat ah pe dingah an rak dil. Bo Chuk Aung San le a rualpi pawl le Britiah acozah pawl Bilat ih thu an rel nak ah hmun rawn le tlang par a pehpaar awk lo thu an rak than. Curuangah ram hotu pawl cu tlang par ah feh in taingyintaa lungrual nak ding hrangah thang phok nak an rak nei.

            Cui British ih an thu rel nakah ram mahte uk awknak thu ah an ra tlung sal ih February ni 8 ni ah  yifvHknDvmcH an tuah ih rampi ah tlangpar mi tel dingah thu rel tlang nak an rak nei. Feb ni 11 ni ah taingyintaa pawl hnenih lungrual nak an rak ngah ih an thaisun Feb ni 12 ni zianglam nizi 10 ah Bo Chuk Aung San le tlangpar mi 21 pawl in taingyintaa lungrual nak ding hrangah Kawlram ih hmun rawn le tlangpar mi tan rual nakah lungkimnak lethmat an rak thu a si. Hitivekin lungrual nak an lang ter nak ni cu Pyithawngsuh ni tiah tui ni tiang a rung si nak a si.

            Curuangah Feb ni 12 ni cu taingyintaa ram mi zate ih hngilh lo nak ni Pyithawngsuh ni tiah an nemhnget ih kumtin Pyithawngsuh ni puainmi cu run hman ta a si. 1948 le 1949 ah cun Puithawngsuh ni puaipi cu pinlung khuapi ih rak tuah asiih 1950 kum ih sin thok in Yangon ih tuah a si. A lam dang mi cu 1954 ihsin thok in rampi Alan cu a thleng aw ih ramthen a phuphun in Pyithawngsuh ni puai khel in Yangon khuapi thleng in an rak keng thei. Hi Pyithawngsuh ni Ramdin Khawmni thu hi tlawng kan kai ah kan zir theh ko nan a thei hrih lo tu pawl le a thar ih vun man sal nak ah kan run rel mi asi. Cun tu lai cu kan ram pi Democracy ngah dingih mi pi zuam asi rero lai le duh phorh lai can a si bang in kan ram pi le te sin fa hrangih a tha hnem mi a si thei nak dingah a hleice in thlacam tlang dingah ka run lo sawm ih kan lo ngen a si.

https://www.youtube.com/watch?v=jOAmIOxyCOg