Radio Veritas Asia in Kawlram mipi pawl thawn hmunkhat ih an um thu lang ter nak ca suah February 9, 2021

rva_tuanvo_nei_tu_pawl_in_kawlram_buainak_parih_an_tuar_pi_ve_thu_lang_ternak.jpg

Radio Veritas Asia in Kawlram mipi pawl thawn hmunkhat ih an um thu lang ter nak ca suah

February 9, 2021

          Remdaihnak  le unau ngaihsak awk nak  thinlung thawn cibai kan lo buuk! Radio Veritas Asia (RVA) in Kawlram mipi pawl ram sungih nan ton rero mi harsatnak kan lo tuar pi a si.

          Unau ngaihsak awk nak thinlung thawn RVA cun nan dinhmun remdai ten le a rang thei bik in a reh thei dingah thlacamnak thawn thinkhat lungkhat ten kan lo umpi a si.

          Yangon ih Cardinal Charles Bo in mipi pawl hnenah tui thil um tu dan thawn pehpar aw in thuro relnak thawn rem dai te ih a phi hawl khawm dingah mipi pawl hnenih a sawm nak kha thlun thei cio dingin kan run lo sawm ve a si.

          February 3, 2021 ah Cardinal Charles Bo in Kawlram mipi pawl le ram tinkim pawlkom hnenih a sim mi “Remdaih nak hi a cang thei ko. Remdaihnak lawng hi lamzin kan neih mi a si. Democracy lawng hi cui lamzin in hmuhsak tu tleu nak a si,” a rak ti mi hi RVA khal in kan pom zet a si.

          Pope Francis thawn hmuhkhat in ram sungih tuanvo nei tu upa pawl in thinlung thiang te in mipi that nak hrang hna an tuan thei nak dingah siseh,  khat le khat lak ih ding nak thang ter dingah le ramhuap ih lungrualnak an hngetkhoh ter thei nak dingah thla kan cam. Ziangruangah tile cu lawng ah rual rem ten le Democracy ih zalen nak ah kan tlang leng khawm thei ding a si.

         

“Cu le remnak a tuah tu pawl ih daih nak thawn an tuh mi thlaici ihsin an khawmmi rah cu that nak a si” (James 3:18).

By: Fr. Victor F. Sadaya, 

CMF General Manager

 

Add new comment

6 + 4 =