Radio Veritas ih thlah mi thuanthu sungtel mi hngilhlonak film cu Philippines cinema ah tarlang.

philippine_an_zumnak_kum_500_kim_hngilh_lo_nak

Radio Veritas ih thlah mi thuanthu sungtel mi hngilhlonak film cu Philippines cinema ah tarlang.

               Radio Veritas Asia le Radio Veritas 246 pawl in Philippines ram khualtlawnnak khaisannak pawlkom le Creative Travel and Tours International pawl kom in Philippines ram, Quezon City ih um cinema ih tarlang rero mi thuanthu sungtel hngilhlonak film cu tu ah an tarlang rero thlang. Hngilhlonak film: Philippines ram ah Catholic zumnak thlen kum 500 kim nak ah a liam zo mi kum 500 ah Philippines ram ih Christian zumnak a rak karh thok daan le tui a um daan an tarlang.

           Cu mi ah thuanthu le ramsung hmaisabik mipi tharthawh salnak le kum tampi sungah ziang vekin a rak cangvai ti a tarlang. Film cu Radio Veritas ih thuanthu tawi le ram ih Catholic zumnak bomnak pawl khal a tarlang. Hleice tak ih pholangnak cu Jan 18-31 tiang Quezon City ih um Fishermall Cinema ah an tarlang ding. Mall ih chapel hrangah Our Lady of Fatima ih zuk pholangnak khal Radio Veritas 846 le Radio Veritas Asia pawl in 2023, Jan 24 ah an tuan tlang mi ziaza dinhmun in an rak tawlrel.

          Fr. Victor Sadaya, CMF, Radio Veritas Asia le Radio Veritas 846 ih Vice-President, Fr. Roy Bellen pawl in zuk thluasuah peknak an rak hoha.Docufilm cu 2022, April 23 ah Radio Veritas Asia auditorium ah an rak tarlang thok ih cui film ih copy cu Bishop Pablo Virgilio David ai-awh in Philippines Catholic Bishop’s conference (CBCP) ah an rak ap. Ram ih um Diocese tinkim le pawlkom pawl hnenah khal an rak darh.

          Fr. Victor Sadaya, CMF, in zumtu pawl hi hngihlonak film zoh cio dingah a rak sawm.“Philippines zumnak khualtlawnnak lamtluan ah kan mai hngilhlonak film zoh dingah hi hmun in ka lo sawm. Cu mi in zumnak thawngin Pathian in ziang vekin thluasuah in pek ih a thanglian ter ti in hmuh” tiah hmaisabik tarlangnak ah a rak sim.

          1519-1522 tiang Spain ram ah Spain zingzoinak lam khualtlawnnak rak hoha tu in 1521, kumzabi 16, March thla ah Portuguese miphun zingzoitu Ferdinand Magellan cu tui san ah Philippines ah a rak thleng.Tangphawlawng ih hnatuantu pawl cu cui hmun ah thlakhat le hrek um dingin an timtuah. Cui caan ah Leyte thlanglam, Limasawa tikulh ah, March 31, 1521 ah hmaisabik Mass raithawinak an rak tuah tiin zum a si. Mipum 800 hrawng in hmaisabik Catholic zumnak sungtel cang dingah Baptism an rak lak.

          Hi thuthang cu RVA thuthang ih kan ngah mi a si.

         https://bit.ly/3JeOQoy

Add new comment

1 + 14 =