Ral buainak a um ko na in Pope in fimthiamnak thawn pehpar in ngah thei ding mi a dil bet. September 09, 2020

Ral buainak a um ko na in Pope in fimthiamnak thawn pehpar in ngah thei ding mi a dil bet. September 09, 2020

Kan dung zarh tlawgkai nithum sunah Ramtin kim thawn pehpar mi fimthiamnak ni cu leitlun hmunkipah an tuah ih Pope Francis khal in ram tin kim thawn pehpar aw ih pawl kom pawlthawn fimzirnak thawn a pehpar mi donakin humhim dingah dilnak a nei. Tlawngta pawl hrang khal thlacam dingah ralbuainak le ruahnak luan tuk mi pawl ih tuahsiatnak ruangah cui hmun in fimthiamnak zirnak ah an sun thu, Curuangah leitlung huap pawl kom pawl thawn peh par in tlawngta pawl humhim ding le upatnak thaten tuah sak dingah cu pawl ih zuamnak cu fimthiam zirnak ih humhimnak a pek vekin minung thawn pehpar aw inbuainak pawl khal bawm aw in tuahsak tlang dingah kan dung tlawngkai ni thumni zinglam Rome khuapi ih St.Peter tualrawn ah Leilung killi ih a ra mi khawm zawh pawl thawn thla an cam laiah zaangfah a rak dil.

September 9 ni cu ram tin kimih fimthiamzirnak humhimnak ni a si. 2020 May 20 ah UN thurel tlangnak ih an ngamhnget mi a si. Hi ti vekih ram pawl ih a cang mi buainak ruangah nauhak tampi cu fimzir thiam lo in an relh nak cu leilung hmun tin ih pawl kom pawl vunmang sal dingah zaangfah a dil nak a si. Hi tin thu cu Kata in an thun lut mi asi ih ram 62 in an lung kim pi. Hi thu an bur nak cu ram 35 in kum 3 in kum 18 karlak nauhak pawl, nauhak 75 millian hrawngin fimthiamnak lamah bom an tul thu an tar lang. Leilung pi cu Covid pulhnat thawn an buanawk rero vekin buainak hmun le ram ih a um mi nauhak pawl khal hi that lo nakih khuh an tong tian UN pawl kom ih Assitence in cui niah tel in a sim. Hmailam caan hrangih a tul mi fimthiamnak, thiamnak pawl zir thei dingah nauhak pawl kha humhimnak hmun le ramah zir thei dingah timtuah tlang uh si.

Kan dung kum 5 ah buainak hmun le ram in nauhak tlawngta pawl, Saya, Sayamah pawl, Fimzir zung lamih tuan vo nei tu minung 22000 cu buainak ruangah an thi. 2015-2019 sungah ram 93 ah fimzirnak lamah buainak a mal bikin veikhat hrawng an tong. Afghanistan, Cameroon le Palestine ram pawlah tlawngta pawl le fimzir zunglamih hnatuan pawl cu tu le tu donak an tuar.

 2015-2019 kum tiang hriamhrei kai pawl, ramthen sungih mi sual pawl, raldo nak ih pawl kom pawl, ralkap tlawng pawl Phunsang tlawng pawl cu hriamhrei kai pawlih hmun le ram ding khal ah siseh, cu pawl ih an raldonakih hman ding mi meithal le zian pawl retnak hmunah an hmang ih rinhlel mi pawl an kai ih an khumnak hmun le ramah ram 34 an um a si. Kan dung kum 5 laiah rampi kilkimnak dingih tuanvo a la tu hraimhrei kai pawl kom pawl cu tlawngta pawl kainak ruangih buainak phun cu ram 17 ah a cang a si.

https://bit.ly/2FE76IT