A ralai dingmi hrilawknak ah bangraan nak hmuh dingah Venezuelan Bishop pawl in zaangfah an dil. August 13, 2020

A ralai dingmi hrilawknak ah bangraan nak hmuh dingah Venezuelan Bishop pawl in zaangfah an dil.

August 13, 2020

         Kan dungzarhkhat lai ah Venezuelan ram ih Catholic Bishop pawl pawlkom in Spain tongih thuthan pakhat an rak suah. Cui thuthan sungah Venezuelan ram mipi pawl ih an ton mi harsatnak pawl an rak hmuh.

         Cui harsatnak cu ramih sumdawnnak, dik lo nak le ei ruk nak ruangah a cang mi a si. Khat lam zawngih kan rel le thu nei tu pawl dinhmun tha ngah tikah mee petu pawl an hngilh tiah a sim.

         Bishop pawl in hi harsat nak cu Covid-19 ruangah a besia deuh deuh. Ziangah tile Covid-19 in ram pumpuluk a besiat ter.

Hi vek ih a cannak khal ram ih harhdamnak kilhim nak le ram mipi pawl thawn pehpar mi hnatuannak a tlak siat thu a hmuh.

         Asinan, Venezuelan ram mipi pawl dinhmun in Democracy hrangih tuah thei mi a tam lai. Cui caan tha cu rem daih nak le ruahnak thawn hrilnak puai ah tel in ramih harsatnak cu fel fai zet ih sim fiang thei tu pawl lungrual ten an hril ding.

         Hi vek ih tuah thei dingah cu zalen nak, bang raan nak, thleidan nak um lo in ram ih party pawl le mipum pawlkom pawl zaten khal hril awk nakah tel in hril awk nak daan pawl le an ti dan vekih tuah ding a tul.

 A tu ah a hrekkhat ram party pawl cu hrilawknakih tel thei lo dingah kham nak pawl khal upadi a phunphun tuah in hril awknakih tel ngah lo dingah an kham.

         A hrekkhat ram party pawl khal a ralai ding mi hril awknakih hril nak ngah dingih bot cat nak pawl awl sam zet in an phorh suak mi an hmuh.

Curuangah a tui thuthan cu suak khat unau thinlung thawn Venezuelan ram mipi pawlih that nak hngak in tang tlangih tuah duh nak thinlung thawn zaangfah dil nak caan a ngah tu Nicolas Maduroih a cozah siseh, miphun hrang hnatuan nakah Juan Cuido hoha tu party khal siseh, hngetkhoh zet mi an mai thu neih nak mal dingah a si lo le a ngai tu dinhmun ih um ding an duh.

         Cu vekin a dang hrilawknak puai pawl zaten mipi pawl ih tuah nak thawn kaih aw mi hril awk nak si dingah Bishop pawl pawlkom in an rak forhfial. Hi thuthang cu August 13, 2020 ah Vatican thuthang ih kan ngah mi a si.

https://bit.ly/2Y5qaGi