Ram sung ah tihphannak, thiltha lo le felfai lo nak pawl um bet vivo lo dingah Peru Bishop pawl in sim.

ramsungah_tihphannak_thiltha_lo_le_felfai_lonak_pawl_um_bet_vivo_lo_dingah_bishop_in_sim

Ram sung ah tihphannak, thiltha lo le felfai lo nak pawl um bet vivo lo dingah Peru Bishop pawl in sim.

January 24, 2023

          Peru Bishop pawl in nunphung le cozah karlak ah pehltaihawknak lilawn din dingah tiin January 20 ah avei 124 plenary assembly ah a rak sim. Bishop pawl dinhmun in pehtlaihawknak din dingah kan lo dil sal. Kohhran pi ah minung le thuanthu thawn a hman mi lungrualnak um a tul tiin" an sim. Bishop pawl in thin na zet in minung pawl ih thinlung ah natnak a thuk tuk, mi pawl le palic pawl khal in himi Peru ih cozah le nunphung remawk lo nak ruangah harsat nak an tuar ih mi 50 luan lai an nunnak an liam tiin an sim.

          "Himi kandil mi cu hman le fel zet in thu tawl rel in remdaihnak kan duh" tiin Peru Bishop pawl in an sim. Upa pawl in "tuahmawh nak in tuahmawh nak a tam ter deuhdeuh" tiin nasa zet in an sim. "Himi thil tha lo in simphuang thei lomi rampi ah tahnak a thlen ter, himi pawl langsar ter dingah le himi thawn pehpar mi mi theih dingin phuang thei dingah zam rang ten zingzoi a tul tin an sim bet.

          Upa pawl in kahdo awknak cawl ter in, thenthek nak pawl cawl in mai khua le ram dinsal dingah le khat le khat nat ter awk nak cawl dingah a forh. "Thurel tlangnak, thungainak le thu botcat nak kan tul" tiin nasa zet in an dil. Peru Bishop pawl in cozah lam ih thunei tu pawl hnen ah himi buainak ah mi pawl ih duhnak hawl in an tuanvo hlen dingah an forh.

          Atu caan cu thu dik thawn thanso dingah, hmailam ah feh in relkhawm ding caan asi. Rampi ah tihphannak, thil tha lo le felfai lo nak pawl um bet lo dingah an sim. Upa pawl in Peru ram dinsal in nunphung hrang tuanvo kannei timi pom dingah an sawm.

          Pathian hnen le Our Lady of Peace (remdaihnak Bawinu ) hnen ah Peru ram thluasuah pe in kilhim dingah thla an cam. Pope Francis in zarhpi ni Angelus thlacamnak ah Peru ram ih tuahmawh nak cawl loihli nak ding hrang thla cam dingah tha a rak pek. "Tuahmawh nak pawl, harsat nak pawl felfai ter dingah a ruahsan" thu Pope in a sim.

          "Himi buainak thawn pehpar mi hmuahmuah ramkhat ah ulenau pawl vekin thurel khat nak nei in minung covo le daan upat dingah tha a pek. Peru Bishop pawl le Pope Francis in "ziang a can khal le khui tawk hmun hman ah tuahmawh nak um lo ding, minung nunnak that lo dingin" an sim. President Pedro Castillo cu December 7 ah thuneihnak upadi thawn uknak le thurelkhawmnak in suak dingah an dil ih cuihnu ah vice President Dina Boluarte in Castillo dinhmun a luah.

          Castello an dawi hnu in duhphorh nak nei tu pawl President Boluart e dinhmun in tum nak, thurelkhawmnak cawl nak le Peru ah hrilawknak tuah sal dingah an dil. Himi duhphorhnak neih caan ah Lima le adang hmun pathum ah a thupi mi dinhmun an than. Peru ah an khuapi Lima le Adean pawl ah duhphorh nak nasa zet in an tuah. Himi thuthang cu RVA thuthang ihsin kan don mi a si.

https://bit.ly/3wtSROc

Add new comment

2 + 4 =