Ram tinkim thawn pehpar mi Kawlram Baptist Christian pawlkom in Christmas sumpai a cem zat cu raltlan pawl hnen hlu dingah forhfial (November 24, 2021)

Ram tinkim thawn pehpar mi Kawlram Baptist Christian pawlkom in Christmas sumpai a cem zat cu raltlan pawl hnen hlu dingah forhfial

(November 24, 2021)

         Kawlram Baptist Christian pawl pawlkom International Myanmar Baptist Fellowship (IMBF) in Baptist Khristian pawl le kawhhran sungtel zate hnenah Christmas ah a cem ding mi innsang hrangih hman mi sumpai pawl cu lainatnak thawn raltlan pawl le mi harsa pawl hrangih hlu cio dingah a rak forhfial. Hi forhfialnak ca cu IMBF in November 22 ah a rak suah mi a si ih forhfialnak ca sungah tui Kawlram ih a cang rero mi parih lainatnak nei tu cun nasa tukih nuamnak vek a um lo ding thu, unau tampi in mai inn le lo pawl tan san ih relh rero in ei in neih lo ruangah Kohhran pawl le pawlkom sungtel pawl in mai innsang le kohhran sungih nuamnak pawl hrangah sumpai hman ding hnakin mi harsa pawl, a tul mi pawl bawmnakah tel ve cio dingah zaangfah dil phah in forhfial nak an nei a si.

         Hi thuthang cu RVA Myanmar ih kan ngah mi a si.

Add new comment

5 + 9 =