Ram tinkim zumnak thureltlangnak cu India ram Goa ah tuah

Ram tinkim zumnak thureltlangnak cu India ram Goa ah tuah.

          "Sadbhav Sammelan" zumnak thurel tlangnak cu 2023 Feb 17-18 tiang Goa ih society of Pilar ah an tuah ih, nunphung lam ah mi tampi lungrualnak thlenpi dingah a si. Hlanlai thu zingzoi tu le kiangkap lam zingzoi tu Rajendra kerkar in "Goa ah mi tampi lungrualnak hrang tahthimnak tampi kan ngah" tiin a sim. Amai a sim nak vekin himi Pilar ih society cu mi tampi lungrualank hrang zuam nak ah din mi asinak le hlailai rothil thatha pawl ti tawk ih a ra mi mi pakhat cio ih kilhim dingah a sim.

          Pilar society ih sungtel le himi conference dintu asi ve mi Fr. Elvis Fernandes in "Goa cu India ih zumnak lam lungrualnak ih a hram pi asi" tiin a sim. Himi conference cu Sadbhav le Fr.Agnel college of Arts and Commerce, Pilar Nirmala Institute of Education, Panjim, Carmel college of Arts, science and commerce of women, Nuvem, Rosary college of Commerce of Arts, Novelim le Mumbai ih St.Andres's center of Philosophy and performing Arts pawl kom aw in din mi a si.

          Conference ah mipum 90 an tel ih tlawngta pawl ca zirh tu pawl, remdiahnak hrang cangvai tu pawl le ram hnih ihsin bulpak ih tel tu pawl Philippines ihisn Togo le Regina Lomarda ihsin Genide Awoussa pawl an tel. Cutawk ih a tel ve tu Gayathri Rao kankar in "kiangkap community pawl le bulpak khal in himi Sadbhav Sammelan in a danglam zet mi tuanvo in pek ih phur nak khal ka nei" tiin a sim.

          "Himi cu tlawngta pawl hrang phur nak nei dingah le hmailam hrang a tha mi ruahsannak nei dingah forhfial nak a si" tiin a sim. Philippines ihsin Regina Lamarda in "himi cu midang pawl thawn pehtlaihnak din dingah mah lemah remdawknak, zirnak le thansonak hrang a tha zet" tiin a sim. "Himi cu college a phunphun tlawngta pawl ton nak le tong a phunphun thawn zumnak ih lungawi nak le remdiahnak a bawm" tiin a sim bet.

          Conference ih hmaisa bik ni ah Prof. Kishu Daswani (Government Law College, Mumbai), Assistant Professor Shefali Kale (St Xavier’s College, Mapusa), Jude Fernandes (Nirmala Institute of Education, Panjim), Assistant Professor Roman Rodrigues (Rosary College of Arts and Commerce, Navelim), Dr. Francis Carvalho (Pilar Theological College), Manjiri Vaidya (Ramniranjan Jhunjhunwala College, Mumbai), Father Anand Mathew (Vishwa Jyoti Communications, Varanasi) le Michelle Colaco (Carmel College, Nuvem) pawl in an zirh ih  Thuhla simnak cu Dr Agnelo Pinheiro le Tallulah D’Silva in a hoha.

          Ni hnihnak cu "Mapping Diversity in India’ timi thawn  Irfan Engineer (Centre for Study of Society and Secularism) le  ‘biazai: A Creative and Meditative Exercise’ cu Dr. Omkar Bhatkar in an zirh. Peh bet in, himi thulu pathum ah Gandhi and Religion; Dialogue: Religion and Beyond; Florence Nightingale timi Pathian thu hawl nak cu Dr. Subodh Kerkar, Dr. Ivon Almeida le  Dr. Omkar Bhatkar pawl in an zirh. Himi thuthang cu RVA thuthang ihsin kan don mi a si.

https://bit.ly/3SzBkhV