Ramtin Bawi Jesuh Thi le Sa Congress on puai caanserh Missa raithawinak ah nauhak thawngkhat luan a hmaisabik Bawi Jesuh Thi le Sa an sang ding September 4, 2021

Ramtin Bawi Jesuh Thi le Sa Congress on puai caanserh Missa raithawinak ah nauhak thawngkhat luan a hmaisabik Bawi Jesuh Thi le Sa an sang ding

September 4, 2021

            Ramtin Bawi Jesuh Thi le Sa Congress tuah thei dingin kum 4 sung rori timtuah tu Hungary ram, Budapest khaupi cu a ralai dingmi zarhpi ni ah cui Congress cu a cem ding. Congress on puai caanserh ah Hungary ramsung ih minung thwng tampi an pumkhawm ding. Mi tampi Kohhran mi pawl khal Pope in hoha in a tuah dingmi Congress khar nak, Missa raithawinak ih tel dingah phur zet in an hngak. Congress khal Missa thawn on a si ding ih, cui on puai caanserh Missa ah nauhak thawngkhat luan ahmaisabik Missa san nak an ngah ding a si.

         Anmah (ahmaisabik Bawi Jesuh Thi le Sa a sang tu nauhak pawl) cu Hungary ram ih hmun dangdang ihsin an si thu, thenkhat cu Hungary ramleng ihsin khal an si thu, ziangruangahtile Solovakia, Serbia le Croatia cutivek ram pawl ah Hungary miphun tampi an um thu, anmah lak ihsin Bawi Jesuh Thi le Sa sang dingah kum a kim zo mi nauhak pawl khal an hmuak thu, Bawi Jesuh Thi le Sa cu Sangreu sungah a um taktak thu in thei ter.

         Congress sungah Bawi Jesuh Thi le Sa sannak caanserh khal an bet. Bawi Jesuh Thi le Sa, Pathian thu zir nak le Bawi Jesuh Thi le Sa thawn pehpar aw in mah rori ih ton mi pawl sim dingah khal mai thiam mi tong pawl thawn tel dingah program tuah a si. Pope Francis cu amah rori telin Bawi Jesuh Thi le Sa thu a sim duh nan a tel thei lo. Asinan Congress khar puai Missa raithawi nak cu Budapest khuapi ih "miraltha pawl ih tualrawn" ah amah rori in a tuah ding. Cumi Missa raithawi nak ah Kohhran mipi 120000 hrawng an tel ding tiin program a tawlrel tu in a sim. Himi thuthang cu Rome Reports thuthang ihsin kan don mi a si. 

https://bit.ly/3n6GR1C