Rassia ih Bom (rocket) ih kahnak ruangah thuanthu ih tel mi Ukraine Biakinn pi siat. (July 23, 2023)

Rassia ih Bom (rocket) ih kahnak ruangah thuanthu ih tel mi Ukraine Biakinn pi siat. (July 24, 2023)

      Ukraine ram tipi kap khuapi Odesa ah Rassia ih rocket bom kahnak ruangah Ukraine ram ih thuanthu sungtel tlak rothil Transiguration Biakinn pi a siat. Odesa hmun ih khuapi uktu  Oleh Kiper ih sim mi thawn pehpar in Reuter thuthangin zarhpi ni ah a cang mi rocket bomih siatsuahnak ah minung pakhat a thi ih minung 19 in hliam an tuar thu theih a si.

Transfiguration Cathedral Ukraine Orthodox neih mi biakinn cu UESCO leitlunhuap rothil pakhat a si.

      Cu mi thu ah  Ukrainian Greek Catholic Church ih Luupi a si mi  Major Archbishop Sviatoslav Shevchuk in Biakinn do a tuarnak ruangah a riahsiat thu a lang ter. Cu mi ah July 23 ni zarhpi ni ih suah mi thuthang ruangah cui biakinn ih a rak khawm zotu pawl, thla a rak cam dah zo tu pawl cu an tah ni a si ding tiah a sim. Anmah thawn thinpem zetin kan um a tul ziangruangah tile tuisun Rassian Rocket bom in an biakinn lawng silo in an thinlung tla a siatsuah tiah a sim bet.                     UNWSCO Director General Audrey Azoulay khal in Odesa ih Rassian siat suahnak pawl a dem thu a sim. Rassian Federation hnen hriamtlai siatsuahnak ah 1954 Hague Convention le 1972 world Heritage Convention tel in ramtinkim ih daan vekin an tuanvo pawl tuan in thlun dingah Rassia Federation hnenah a rak forhfial.      Ukraine kha Rassia in 2022, Feb thla a do thokihsin Ukraine thuanthu ih tel tlak mi Biaknak lam hmun tampi an siat ih a dang khal tampi siatsuahnak an tong. Hi thuthang cu Shalom world ih kan ngah mi a si.