Red Wednesday kha ramkhel lam hlawknak hrang hmang lo dingah Philippines mipi hnen ACN in ralrin nak pe. November 24, 2021

Red Wednesday kha ramkhel lam hlawknak hrang hmang lo dingah Philippines mipi hnen ACN in ralrin nak pe.

November 24, 2021

            Pope ih zangfah lainatnak hnatuan hrang tidaan dangin fund a hawl bawm tu (Aid to the Church in Need) ACN pawlkom in "Red Wednesday" kha ramkhel lam hlawknak hrang hmang lo dingah ralrin nak an pe.

          "Red Wednesday" puai cu biaknak tinkim an tel ih biaknak lam zalennak le biaknak lam thu lam ih hmuhsuam a tuar tu ulenau pawl hrang dinpi nak kilkhawinak cangvaih nak a si. Curuangah cangvaih nak a hrampi tumtahnak le thihnai suahnak hnatuan phun, dikloin hman nak dinhmun si lo dingah ruahsan in thla cam a si.

          "A sen zawng" tiin hril asinak cu "thi" a ti duh mi asi thu hlanlai Pathian rian tuan pawl ih thi luan nak ruangah a tu Philippines ram dinhmun in Bawi Jesuh ih thu a thlengnak kum 500 kim thluasuah kum an tuah thei nak asi thu, kum 500 tiang kan hrangah an thi a luan thu, cui thi cu St. Lorenzo Ruiz, St. Pedro Calungsod le kan mi raltha pawl ih luan mi "duhdawt nak thi" pawl a si tiin an sim.

          Himi cangvaih nak ah tih loin tuah dingah Philippines mipi hnen ACN pawlkom in an forhfial. Thuhla um lo zetin "thisen" ti duh san cu "Bawi Jesuh thu kha tih loin tettikhan nak" a si. Tih nak um loin duhdawt nak a si" tiin an sim. Legazpi Diocese ah Bishop Joel Baylon in Puithiam pawl hnen hmuhsuam, nautat a tuar tu Khristian pawl le himi dinhmun a tong rero tu pawl hrang Missa raithawi nak tuah dingah a forhfial.

          A sen zawng hminsin nak cu ramkhel party pawl thawn sual a theih ruangah ralring dingah, tuikum ih cangvaih nak thuluu cu "Red without fear: A Church Journeying as one" tih loin raltha in Kohhranpi thawn hmunkhat ten khualtlawng uh si ti a si. A hlan kum ahcun ACN pawlkm cu biaknak ruangah hmuhsuam tuar tu pawl ih hrampi zalen nak ah an cangvai.

          2021 ah cun ACN ih hnatuan director asimi Msgr. Pedro Santos in tuikum ah Philippines ram dinhmun in an ram le leilungpi thawn pehpar mi Kohhran pi a pahnih in kom in tuah ding asi thu, ziangruangahtile tuikum cu Philippines ram ah Bawi Jesuh ih thuthangtha a thlen nak kum 500 kim khal a si vekin 2023 kum leilungpi thurelkhawmnak hrang khalah timtuah nak a si thu, tuikum ah Philippines ram thuthangtha hrang nunnak a pe tu miraltha pawl ih Gospel thuthangtha hrang nunnak an pek nak von man sal nak, lungawi thu sim nak, asivekin thurelkhawmnak hrang khal timtuah nak asi thu, himi thuthangtha hrang nunnak pe tu mi raltha pawl ih pek awk nak le kanmah pawl ih kum 500 sung ram sung ih ummi Bawi Jesuh ih duhdawt nak ah a danglam zet mi zumnak a si thu a sim.

          ACN pawlkom in cui hminsin nak cangvaih nak ni zan 7 ihsin 10 sung mai biakinn ih hmailam ah a sen zawng hnih in asilole a sen zawng um dingah a sim. Himi cangvaih ank cu 2016 kum ah England ram ih tuah thok asiih a ralai dingmi kum pawl ah Philippines khal cui cangvaih nak an tuah ding. 2020 January thla ah Philippines Catholic Bishop pawl pawlkom in "Red Wednesday" kha Philippines ram ih Diocese tinkim ah kum tin tuah dingah an nemhngetnak a si. Himi thuthang cu Licas thuthang ihsin kan ngah mi a si.

         https://bit.ly/3r7EX2R