A Rem le a daih bik zawngih remsal dingah Belarus ram hnen Vatican in forhfial. September 19, 2020

A Rem le a daih bik zawngih remsal dingah Belarus ram hnen Vatican in forhfial.

September 19, 2020

                Belarus ih ramsung thuthawn pehparaw in duhphorh tu pawl ih thazaang luan tukih hmannak, minungih thilti theinak thu parih tisualnak ti vek thu pawl cu Geneva zungah human right thawn pehparaw in an tuah mi thurelnak pawl a si.

Vatican in Belarus ramkel dinhmunih an zoh hliah tikah a tu vekih remdaih mi, thudik a si mi, buainak um lo mi thurel tlangnak tidaan thawn elawknak thum dingah dilnak a neih thu, cutivekin human right le rammi sinakih thilti theinak upat dingah khal a dil bet.

              Kan dungnai te khalah Belarus ramih dinhmun diktak thei dingah Vatican aiawh in Bishop Richard Paul Gallagher cu September  11 in 14 tiang an thlah thu, cu mi hnenih an theih mi thu pawl ramhrang khalah siseh, cui hmunih Catholic kawhranpi hrang khalah phannak um lo in Catholic Bishop ih a va fehnak khal cu nunphung le lungrualnak lam a pan ding ti khal in ruahnak a um thu, Duhphorhtu pawlih dil mikhal thei sak ding a tul thu, ziangahtile minung sinak ih thil ti theinak le rammi sinakih thilti theinak khal a si thu, Vatican in a tu Belarus ram ih ram khel hnialawknak cu a zamrang thei bikih  a daih theinak dingah a duh sak thu a sim a si. Hi mi thuthang hi Vatican news ih kan ngah mi a si.

https://bit.ly/3cmeXXX