Remdaihnak ih nobel suh ngahtu Yunus ih thucah mi May 16, 2020

Remdaihnak ih nobel suh ngahtu Yunus ih thucah mi

May 16, 2020

          Remdaihnak ih nobel suh ngahtu Muhammad Yunus in a liam zomi nili sun ih tuah mi covid-19 hnu ih a cang thei mi sumdawn nak tha lo nak ding thawn pehpar in ca a kuat. Cui ca kuat mi ih thu luu cu dung lam hoi sal hlah ti a si. Cui ca cu Pope ih zirh nak tang ih a um mi Lateran University ih bom nak in an thlah cih a si. Amah cu professor a siih, Grameen band khal a din ih, sumpai malte khal mi dang cawi ter nak le ram thangso nak hrangah mi harsa pawl hnen sumpai a cawih ter. Amah in remdaih nak nobel laksawng cu (2009) kum ah a ngah.

Laksawng a ngah nak ih a san bik cu,

          Daan lam ih thansonak hrangah hnatuan fate in mifarah um nawn lo ding nak ih a hleice ih a tuah ruangah a si. Amah cu Bangladesh ram ih a hmaisabik nobel ngah tu a si. A ca kuat mi sungah fimthiam nak le paisa thuhla thawn pehpar mi leitlun a zuam a si. Ziangruangah tile covid-19 theh hnu ih thil um daan cu himi pulh nat um hlan vekin cang sal lonak dingah ruah ding a si. A mah cu covid-19 thehah caan tha tampi a um ding tiin a zum. Cui caan tha cu tha zet in hmang thiam dingah cun nun phung, daan le kiangkap ih tul mi cu science lam ih zingzoi hnak in sumdawn nak hrangih hman thiam lawng ah hlawk nak tha ngah ding a si.

          Cui hlawhtling nak ngah thei dingah mi pakhat ciar le pawlkom pakhat ih lungawi nak a si. Hitivekin tuah suak dingah minung pawl cu a laifang ih um dingah a tul. Hmun khatah tuah tlang ding. Cutilawngin thaisun timi kan din thei ding. A liamzo mi zoh sal hlah. Hmailam lawng thlir aw.

          Tuah suak dingmi kilhim awk nak sii khal mah hrang lawngah asilo. Tuilai leilung cu covid-19 pulh nat do nakah a sung. Hmunkhat ih do dingah rualrem a theih lo. Mah ih thazang ciar in a thek derh theh. Mah ram mi lawng luat dingah nasa zet in an tuah. Curuangah nat nak a nasa deuhdeuh. Ton rero mi buai nak ruangah kan bei a dong.

          Leilung pi thar tuah thei dingah nun caan lam ih a hngek khoh mi, biak ank lam ih uk awk nak ah felfai in, um tlan daan neh tu a si ding. A hlan ih kan lam zin hlun (kan um daan hlun) pawl khal hlon in, zin thar, ruah san nak thar ah feh thei ding a si. Cutivekin tidaan thar hmangin ngah mi khal a thar a si ding.

          Kum (79)  asizomi sumdawn thiam cu, leitlun harhdam nak pawlkom hnatuan nak cu kilhim in sim phahin, kilhim nak sii tuah nak ah mitampi ih that nak mitampi ih nunnak hum ding aiin hlawk nak ding lawng ruatin thilri dang pawl tuah vekih ruat nak khal a fiang ter. Cutivekin kimhim awk nak sii tuah theh ih America ram a dangte ih hlu ding timi khal tha a pek lo.

A thiangfai mi lungpheng,

          A mah in covid-19 nat sia cu buai nak zaten a keng. Cutivekin caan tha khal pakhat lawng a keng. Ziangtinkim tuah that sal in theih nak thar, ruah nak thar, fehvah nak, hman mi thil zaten pungsan thar in a thok ter. Himi thil pah theh suak zikah covid-19 nat sia theh ah a hlan um daan vekih feh sal a si pei maw tiin thu suh ding a um.

          Himi pulhnat hlan khalah kan mah pawl cu buainak a phunphun a simi leilung hlum nak, tikcucaan thleng awk nak, hnatuan neilo buainak tam nak, mifarah milian an dan awk nak, minung aiawh ih cet zuk pawl hman nak cutivek buai nak ton a si. Leilungpi thar ah kan ruah ban lo mi caan tha hawl dingah, cui thil pawl cu pung san thar tuah in felfai ter dingah a tul thu a hmuh nakcu ca in a kuat.

https://bit.ly/3g5JXgd