Rilrawng ih a ummi minung 800 Korea Biakinn ah cawm (February 28,2022)

Rilrawng ih a ummi minung 800 Korea Biakinn ah cawm

(February 28,2022)

              Thlang Korea ram Seoul Archdiocese, Seoul khuapi ih Myongdong rawlei nak dawr ih hnatuantu pawl cu inn le lo nei lo pawl, kum upa pawl, mi dam lo pawl le kut ke kim lo pawl an tuamhlawm ih rawl a ei tu pawl cu nikhat ah mi 800 tiang an kim. Rawl peknak hnatuan cu zing 9 ihsin sun 1 ting, sun 1 ihsin zanlam 5 tiang veihnih an tuah ih Korea ram ih Divine Word Missionaries JPIC ih upa thawn himi mi zangfah nak pom nak thawn pehpar mi hnatuan thok hlan ah hmun khat ten thla an cam thu, nikhat sung tuah ding mi in ei pawl le hmun pawl a tawi zawng in timtuah sak an si tiin khal an sim.

              In ei ding an timtuah theh hnuah minute 30 rei thlacam lam thusim nak hrangah tuah ding ah hnatuan pawl hnen committee in a dil. Minung zangfah nak hnatuan pawl kom ih bom mi hnatuan pawl cu an thuanthu pawl hlawm in in ei pawl hlawm hnu ah thlacam nak thawn an cam ter ringring tiin Fr. Mintu in a sim. Pum puar dingah le an sinak kha mang dingah in ei lam tlaksam nak ruangah a farah mi rilrawng pawl ih taksa tul mi pawl silhkhah sak dingah himi cawmnak program tuah asi thu, tuah daan ih mi harsa pawl cawm nak cu zangfah nak langter nak tidaan pakhat tiin khal Puithiam in a sim.

              Caan reipi tuah mi himi cangvaih nak cu mi tampi rilrawng nak ihsin run thei in a hlu tu pawl le hnatuan pawl ih bomnak thawn lawng himi cangvaih nak tuah a theih thu cu mi tampi theih ter nak asi thu, himi cu Seoul khuapi le hnatuan pawl in mi harsa pawl hrang Bawi Jesuh ih hril nak langter dingah tuah daan pakhat asi thu, Hivek hnatuan nak phun ah tel in mi harsa pawl lam ih dinpi nak timi cu Bawi Jesuh ih zohthimtlak nak thlun nak asiih hnatuan pawl sumpai tampi an ngah lo nan mi harsa pawl bom dingah Kohhran pi ih colhhmun tiang thleng thei dingah duhnak, caan le thazang a um tiin Fr. Mintu in a sim.

              Rawl a ei tu pawl cu in ei le hnatuan pawl ruangah an lungawi thu an sim ringring thu mi rilrawng pawl bomnak cu a tha zet nan a har zet thu sawm nak kiangkap ah a um ringring mi rilrawng mi pawl cu an rawl pawl hawl hmu thei dingah a si tiin a sim. Hi harsa pawl um nawn lo nak dingah cun party tampi ih hnatuan tlang nak a tul thu thenkhat cu sumpai an nei nan riantuan dingah a tul mi caan an nei lo, thenkhat pawl cu caan an nei nan an nei mi thilti theinak thazang an nei lo tiin khal Puithiam in a sim. “Sumpai kan nei lo, asinan caan le thazang daih in kan nei lai. Kan neih mi thawn lawng Myongdong rawl dawr ah kan hlawm tiin khal Puithiam in a sim bet. Himi thuthang cu RVA thuthang ihsin kanngah mi a si.

https://bit.ly/3hvb9XM