Romania ih meisa harsat tuar tu pawl le Philippine ih Typhoon thlisia a tuar tu mipi pawl hrang Pope Francis thla cam sak November 15, 2020

Romania ih meisa harsat tuar tu pawl le Philippine ih Typhoon thlisia a tuar tu mipi pawl hrang Pope Francis thla cam sak

November 15, 2020

         Kan dung zarhpi ni ah Pope Francis cu Typhoon thlisia nasazet ih tuar hnu, thlisia ih neh hnu tilian nak khal an tuar bet. Himi a nasazet mi Vamco hmin nei mi Typhoon thlisia cu minung 67 a thih ter thu thuthang hmaisa ihsin theih a si. Pope cu sunlai Angelus thlacam theh cui harsat tuar tu mi harsa inn sang pawl, hriamhma tampi a ngah tu pawl thawn hmunkhat ih a um thu, harsat tuar tu mipi pawl hnen a bawm tu pawl khal a upat thu, Philippine ram cu karli sung cyclone 6 ih hran nak an tuar. Cumi lakah Vamco le Goni Typhoon pawl cu tha cak bik an si. Caritas Philippine khal a tui dinhmun cu a zamrang thei bik in dam ter in din sal thei dingah hmun tinkim ih bom nak dil dingah cozah hnen zangfah an dil.

Romania ramih covid mina pawl hlawm nak siizung mei kang

         Pope cu kan dung zarhte niah mei a kang mi Romania ih sizung pakhat ih thil cang mi ruang khal ah a thin a nat thu, cui siizung cu covid-19 mina pawl hlawm nak dam ter nak center a si thu, meisa ih harsat nak a pek mi mina pawl zaten thawn a thin a nat pi thu, cui meisa kangnak ruangah minung 10 an thi ih, minung 10 nat an tuar ih cumilak ah 7 cu besia zetin an um thu, meisa cu covid mina pawl tuamhlawm nak inn in a kang thok mi a si thu, siizung cu Romania ram, Peatra Neamt myo ih siizung asi. Johns Hopkins phunsangtlawng ih cazin vek in Romania ram cu nat suan a tuar tu 350000 an um ih, a thi tu 9000 hrawng an um zo. An simnak asile ramtin kim ah covid ruangih a thi tu a tambik mi ram 20 sungah a tel ve mi ram pakhat tiin an sim. Himi thuthang cu Vatican thuthang ihsin kan ngah mi a si.

Photo courtesy of: AFP or Licensors

https://bit.ly/3lCdr7S