Rome ih khawmzawhnakah a thleng tu Mexican khawmzawh thenkhat in an thinlung sung an tuar mi phuang suak. (November 28, 2021)

Rome ih khawmzawhnakah a thleng tu Mexican khawmzawh thenkhat in an thinlung sung an tuar mi phuang suak.

(November 28, 2021)

              Italy ram ah pulhnat sia khamnak dinhmun a um rero lai nan khawmzawh pawl cu Pope kiangah pulhnat a can hlan vekin naiten um dingah a cang thei hrih lo. Nai ten feh a theih lo nan Pope kha tawk fang naiten hmuh a ngah nak cu Mexico ram ih Miguelangelo Maciel vek khawmzawh pawl hrangah cun an di a riam tuk. Amah cu Mexico ram in a ra mi khawmzawh pakhat asiih, Pope ih tlawngkai nithum tinkim khawmzawh pawl thawn tonawk nak caanserh ah a tel tu a si.

              Catholic mipi pakhat dinhmun in a hrangah Catholic Pawlpi ih a laifangnak, a thupit nak hmunah feh in thlacamnak a si. Cutivekin Pope thawn um tlang ti mi ruahnak thawn umnak khal a si. Pope Francis in khawmzawh pawl a ton  tikah khawmzawh mipi pawl hnen ihsin Thiang thlarau ih cangvaihnak thawn ring zet in co ih cibai buknak tuar nak cu sim thei lo mi lungawi nak ngah a siih himi hmuh ton nak cu a man a khung zet thu a sim.

              Cuiniah Italy saklam Faenza khuapi ihsin khawmzawh pawl khal "Thluasuah tinkim ih Bawinu" ulenau pawlkom dinnak kum 600 kum kim ni khal tuah phah in an thleng. Anmah pawl in hlan lai Bawinu zuk khal upat nak an pe. Khawmzawh pawl ih Puithiam in "Thluasuah tinkim ih Bawinu" hlanlai zuk hlun kha Pope hnen laksawng tiin an pe ih Kohhran mipi pawl dinhmun in an diriam in an lungawi. Thlatang can ah mal teten a dai vivo ih khawmzawh pawl in kor hlum pawl an hruk khal hmuh a si. Himi thuthang cu Rome Reports thuthang ihsin kan don mi a si.

https://bit.ly/3Db0t8Z