Rome ih um Sr. tlawng pawl le Parish pawl in Ukraine ih raltlan mi harsa pawl cohlan sak. (May 09, 2022)

Rome ih um Sr. tlawng pawl le Parish pawl in Ukraine ih raltlan mi harsa pawl cohlan sak.

(May 09, 2022)

         Kan nih cu mawtaw pawl, hriamhrei tum le fate pawl ih ngah mi hmuh a rak theih. Raltlan mi harsa pawl an kil him. Mi harsa pawl phurtu mawtaw pawl khal kah an rak tuar mi khal hmuh a theih thu Ukraine ihsin rak tlansuak tu, Vita timi nunau in a sim.

         Ukraine ram mipi pawl ih ruak pawl cu a rak tlannak Poland ram, Kharkiv khuapi kiang, Kremenchuk ihsin a tlan laiah tikhur sungah an tla ih an thih lai hmuh a rak si thu, mai suahnak ram tansan ding cu a har zet mi thu bohcatnak a si. Hi tiin a rak botcat ruangah a mah dinhmun in a sir aw lo. An mah cu Poland ramri, ih um mi harsa pawl umnak sakhaan ah an rak hruai. Khualtlawnnak ah a zaten nazi 27 rei Italy Red Cross mawtaw thawn Rome ah an rak thleng. Vita cu cui pawlkom thawn a tel mi raltlan mi harsa 102 ah a rak tel ih tamsawn cu nunau pawl le nauhak pawl an tel. An mah cu Caritas Rome le Rome acozah pawl ih tuanvo neitu pawl ih an timtuah sak mi Ukraine raltlan pawl umnak inn 23 an pek mi hmun ah an um ter.

         Tuanvo neitu pawl in mipum le sungkua mipum tel mi cazin cu Caritas Rome ih tuanvo neitu hnenih an rak pek thu, cui hnu ah miharsa pkawl an umnak hmun ih Sr. tlawng pawl, Parish pawl ah an rak hruai. Cui caan ihsin thok in nunram khuasak tlangnak thu thawn Luigi Petrucci in a simfiang. Hi tumtahnak cu mi harsa pawl umnak hmun hawlsaknak theh lawngin a cem men lo. Cui hmun mipi pawl thawn rualremnak um ter dingah khal an bawm vivo ding.

         Mi harsa hrekkhat cu tuanvo neitu pawl ih sambaunak ruangah an sungkua pawl thawn an thenawk thu ruat sal in an sungkua pawl thawn tongaw thei dingin a rak tuah sak. Hrekkhat innsungsang pawl cu Ukraine ah ralbuainak a reh deuh in an suahnak ram ih tlung duhtu innsang khal an um.

         Curuangah ah khal an fa le pawl tlawng kai ter an duh lo. Ukraine ih fimzirnak lawng hmun hla ihsin a cang hei mi tidaan thawn a zir an duh. Hi thinlung cu a tha tuk. Dinhmun ruangah umnak an rak tansan ko nan dinhmun ih pek le tlung cih dingah an thakhoh zet. Buainak pawl tawlrel dingah cun a hnok tuk. Tahthimnak ih ism a si le innsungsang pakhat cu inn pakhat pum in an pek. Asinan, an hrangah a remcang lo. Tikhur a um rero mi thilcang an thinlung ah a caam ih tihphannak thinlung a um ih a him lo tiah an ruat ih a thawn mi dinhmun vek khal an rak tong. Caritas Rome dinhmun in Ukraine ih raltlan mi harsa pawl an umnak, March thla ihsin thok in an rak tuah thok thu a rak sim fiang.

         Caritas Rome cu ‘lungawi ten hmuak tu’ kpawlkom ih thenkhat a si ih Rome Diocese in tu vekih harsatnak vek a rak bomnak cu 2015 ihsin a rak thok. Ziangah tile Puithiam in kan umnak inn pawl, Sr. tlawng pawl, Yatih tlawng pawl, biaknak lam pawlkom ih inn pawl, Parish pawl ong dingah zaangfah a rak dil. Hi zaangfah dilnak cu kum reipi a rak thahnem tuk. Hi mi harsa pawl cohlang in nai ten tong phah in an nel awk tikah thathnemnak a um. Tu ahcun Parish pawl, biaknak lam pawlkom pawl, innsang pawl ah hi vekih cohlannak vek an dil rero.

         St. Corbinian Parish in cui hmuahnak a pek rero. Umnak hmun le sumpai bomnak pawl a pek. Vita cu cui Parish ah a um ih a fa le pawl khal Ukraine an rak tansan ni ihsin thok in a rak ruahsan mi remdaihnak an ngah. Vita ih mipa cu ralbuainak a thok ni ihsin raldo dingah a rak feh. Nauhak pawl thawn a mah lawng a rak taang. A rak tih tuk. Ralbuainak ralrinnak pek mi aw pawl cu a sun a zan in an rak thei. Hnatuan khal an rak feh thei lo. Nauhak pawl khal tanta a ngah lo. A nu le pa pawl khal hmundang ah an um.

         Italy ah a remcang zet. Tui a um rero nak inn ah a nuam aw zet. Hi hmun ih a rak thlen ruangah a sir aw lo. A riahsia lo. Ziangah tile kei mah le nauhak kpawl cu kan h im ih remdai ten kan um. Thinnuam lo mi thuhla pakhat cu Ukraine thawn kan hlatawk ih Ukraine kan bawm thei lo. Ngaingai ahcun a mah khal in Ukraine ram kpakhat khat ka bawm duh tiah a sim.

         Hi thuthang cu Rome Reports thuthang ih kan ngah mi a si.