Rome khuapi ih um Bawinu ih Basilica ah Pathian biak dingih a feh tu Pope Francis. August 5, 2020

Rome khuapi ih um Bawinu ih Basilica ah Pathian biak dingih a feh tu

Pope Francis. August 5, 2020

          Pope Francis cu kan dung tlawngkai nithum niah Rome khuapi ih um Bawinu ih Basilica ah thildang tuah ding nei lo in Pathian biak dingah a va feh. Cui ni cu Bawinu ih Basilica tlawngpi ih puaini khal a si.

          Pope Francis in Bawinui zuk hmai ah khukbik in thla a rak cam. August ninga ni ah hi Basilica puai an tuah theu. Ziangah tile Basilica cu cui ni ah thluasuah pe in an rak on nak ruangah a si.

          Thuanthu vek si le August nili le ninga ni ah Bawinu in Diocese a rak hoha tu Pope Leberius hnenah a lang ih Rome miphun pawl ih innsungsang a si mi John hnenih langnak a rak hmuh nak hmunah Biakinn pakhat sak dingah a rak dil.

          Kum 358, August ninga ni ah a zum ban lo mi a rak hmu. Esquiline tlangpar ah vuur pawl thawn an kiangkap zaten a rak khuh. Cui hmun cu Biakinn sak dingah Bawinu ih a rak hmuh nak hmun a si.

          Kum zaleng loah Rome Archdiocese si nakin hi Bawinu ih Basilica Puai cu an rak tuah.  A hlan kumzabi a thok lamah Basilica "Liberian" Basilica tiin mi theih a siih hi puai tuah ding dan dangten an rak ret.

          Cu tidan cu "Gloria" sak lai ah Biakinn ih ceiling hrekkhat an rak ong. A hlan ah Biakinn ih thilcang cu vun mangsal nakah cui luanglu ong in pangpar pawl an rak theh theu.

2020 ih Puai an tuah nak

          Tui kum ah khal hi Basilica ih Puai cu a hlan ih an ti daan pawl mangsal nak in luanglu in pangpar an rak vorh. Hi puai hlan zaan lam ihsin thok in Rosary cam in rundamnak ih thuthuk pawl cu an ruat. Cui hnu ah zaanlam thlacam nak pawl cu an cam ih raithawinak thawn an thokih a thaizing ih Puai cu sunglawi zet in an hmang.

          Tu kum ah Puai ih Missa cu Cardinal Stanishlaw in hoha in raithawinak a rak tuah. Sun Rosary cam theh ah Archbishop Piero Marini in zaanlam thlacam nak a rak hoha. Bawinu ih thlacamnak a si mi Magnificat an cam ah pangpar pawl cu Basilica ih ceiling ah an rak theh. Puai cu Cardinal Francisco Canalini ih lamhruainak in Missa raithawinak cu an rak theh.

Bawinu ih Basilica

          Bawinui Basilica cu Rome khuapi ih um Basilica pali sungin pakhat a si. Cu pawl cu St. Peter Basilica, St. John Basilica, St. Paul Basilica le St. Mary Basilica pawl an si. Hi Basilica pali sungin Bawinui Basilica pakhat lawng hi Christian pawl ih zuk suai mi pawl siat ral lo dingih an rak kilkhawi nak hmun a si.

          Basilica ih khawnglawng cu meter 75 a si ih Rome khuapi ih a sangbik mi khal a si. Khawnglawng tumpi panga an bun. Cui panga sungin pakhat cu 'a hlo mi pawl' tiah hmin an pek ih zaan nazi pakua ah cui khawnglawng cu an tum ih kawhhranpi pawl hrangah khawthim sungih an hlo lo nak dingah mangsal in thla an rak cam ter.

          A mawi zet mi zuk suai mi pawl a tambik nak hmun Basilica cu paazoh pungsan a si ih a ropi nasa. Bawinu a nun lai ah lungto thwan tuah mi paci pawl thawn mawi zet in an ret.

           Rundamnak thuanthu, Abraham, Jacob, Moses, Josuah le Bawi Jesuih nauhak pawl nunram cu an tuah mi lungto thawn tuah mi paci pawl ruangah a hminthang zet ih cu tawk ih a feh tu khal an tamzet.

          "Rome miphun pawl ih runnak" tiih hmin pek mi zuk tumpi pakhat khal hmuh a theih. Hi zuk cu upat zet mi a si. Pope Francis khal in hi Bawinu cu a upat zet. A mah cu Pope ah 2013 ah hril nak a ngah tu a siih a thaizing ah Basilica ah a feh ih Pathian biak in lungawi thu a rak sim.

          Kumdang khal ah Pope Francis in Italy ram ih ramleng ih a tlawn hlan a si lo le a tlawn hnu ah Basilica ah a feh ih a khualtlawn nak ap nak le lungawi thusim nak a tuah theu.

          An sim nak vek si le Salus Populi Romani 'Salvation of the Roman People' zuk cu Cathianghlim ngantu St. Luke ih rak suai mi tiah an ti. Hi zuk cu thing thawn tuah mi a siih Basilica sungih um Biakinn fate ah an rak ap.

          Cui Bawinui zuk cu Pope Francis ih Covid-19 pulh nat zamrang ten reh ding le nat nak a tuar rero mi leitlun ih um minaa pawl zaten Bawinu ih thlacamsak nak lakin Pathian ih ap mi 'Urbi et Orbi' thlacamnak a cam lai ah St. Peter Basilica ah an keng.

          Hi thuthang hi August 5, 2020 ah Vatican thuthang ih kan don mi a si.

https://bit.ly/3fK59af