Rome khuapi, Ireland ram ih Siangbawi cang ding tlawng an awn hrih lo

Rome khuapi, Ireland ram ih fimthiam nak zir nak tlawng cu 2020-2021 tiang Siangbawi cang ding tlawng an awn hrih lo

June 15, 2020

          Ireland Catholic Bishop pawl pawlkom in 2020-2021 fimthiam nak zir kum ah Rome khuapi ih an din mi Ireland ram ih uk mi tlawng ih fimthiam nak a zir duh tu Puithiam cang tu ding pawl luh a ngah hrih lo thu, tthal tlawngpit thurelkhawm nak sungah thuhla tampi an rak relkhawm. Asinan, an nemhnget hrih lo ih tuah ding tiih an ruah thu, hi thlawnpi cu Ireland Diocese hrangih a thupi zet mi bawm nak a pek thu hi tlawng an din nak cu hmailam caan ah Ireland ram in Puithiam pawl thlah in fimthiam nak zir dingah a si.

Hi tlawng cu kum 1628 ah an rak din mi a si ih Siangbawi cang tu ding pawl cazir ter nak tlawng a si. A tu ih tlawng ih thuneitu upa cu Fr.- Paul Finnerty a si ih hi tlawngpi cu Puithiam pawl hrangah an nunnak hmu fiang nak ding tlawng ih ret ding a si thu le cu vek in buiah ngah hrih lo tu pawl le a ngah zo tu pawl, Rome khuapi ah caan malte le caan reipi a um peih tu Puithiam pawl hrangih an tumtah thu, cu vek tho tho in tindan pawl hrangah Amerca in a ra mi Siangbawi pawl khal riah an awn thu le hmailam caan ah Ireland ih Siangbawi a cang tu ding pawl cu Ireland ih tul sam vek in hmang dingah an relkhawm thu an sim a si.

Cui tlawng in an thuanthu a siat ral ter lo ih Puithiam cang dingih tim a tuah tu pawl le Puithiam a cang zo tu pawl hrangah a him zet mi beu nak ah Ireland Diocese cu thathnem nak a um ding thu, cui hlei ah Deacon pawl, Diocese pawl ah Pathian thu sim tu saya pawl, Diocese pawl ah dungthluntu hnatuan in pum a pe aw tu pawl hrang khal ih fimthiam nak zir thei nak hmun pakhat si ding khal ah an tuah duh bet thu, ziangah tile Rome khuapi cu leitlun ih ram a phun phun ih zir mi pawl a kim nak hmuh a si ruangah cui ton mi cu neh hnu caan khal ah ca zir nak hmunpi bik a si rero lai ding.

          A tu ih tlawng uk tu cu Fr. Nick a si ih kum 36 lawng a si lai. A mah cu Ireland Catholic Bishop pawl pawlkom ih hril mi a si. A mah cu Theology in master buaih ngah tu khal a si. Tlawng uk tu si nak in a ralai ding mi September thla ah a tuan thok thlang ding. A mah cu Ireland ih Puithiam a si ih a nu cu Diocese ih fimthiam nak zung ih thuneitu a si.