Rome khuapi thuanthu ah vancung mi zuk an tuah ih pulh nat a hlo ter. November 15, 2020

Rome khuapi thuanthu ah vancung mi zuk an tuah ih pulh nat a hlo ter.

November 15, 2020

            Tlun lam ih hun zoh vekin vancungmi pawl ih zuk pawl cu khawmzawh pawl hnen Vatican ah an hmuh. Vatican thlen hlanah  kum 123 a sizo mi Mithianghlim Michael zuk zoh loin a ngah lo. Pope Gregory the Great in a liam zo mi kum 590 vun ruat phah in tlun lam zoh in pulhnat ruangih a dang ten asimi Rome khuapi kha pulh nat pi in luat dingah thla a cam.

Thuanthu mifim Fr.Simone Raponi

            Vancung mi kulhnak hruang sungih khum asimi pia sen ah anmah pawl thawn Rome khuapi ih St.Mary bacilica biakinn ih Salus Populi Romani hmin pek mi Bawinu ih zuk cu an rak keng. Cui caan ah vancungmi burkhat cu "vancung Siangpahrang Bawinu" thangthat nak hla an sak. Cui caan ah Pope cu vancungmi Michael ih zuk zoh in vancung mi Michael ih thi a um mi a nam pawl thiangfai in, namret nak sungih a von ret kha a hmu. Cumi a hmuh hnu a thleng mi pulh nat khal a cem.

            Asinan a tui hmuhmi zuk cu thuhla nei loih tuah asilo. Cutivekin a hlan ih kuthiam khal a si nawn lo. Kum 1752 ah Rome vek in tuah sal mi zuk a si. Himi tuah that sal mi zuk cu Pope 14 nak in June (29, 1752) kum St.Peter le St.Paul pawl ih puai ni ah thluasuah an pe. Vancungmi ih a sanlam cu pi 16 hrawng a si. A tumih a mawi zet. Belgian ram ih kutthiam saya pakhat ih tuahmi a si. Himi zuk cu a hlan ih rak tuah mi zuk pawl lakah netabik a si. Pope Paul III ih san hnu ah sailungvar ih tuah mi zuk pawl cu a sunglam ah a ret theh.

            A mitu ih runsim mi mangbangza asimi langnak a hmuh hnuah a hlan ih a hmin cu Castel Sant'Angela tiah kawh a si. Rome khuapi hrang khalah a thupi tuk. Nehhnuah Vatican innpi thawn pehpar awk nak a nei. Thuanthu ih a tlak mi canserh tampi tuah nak hmun a si. Cumicu sumpai lam ret nak inn, a thupi mi ca pawl ret nak hmun, Rome khuapi cu ral pawl ihsin relh nak hmun a si. Van cung mi Michael cu Rome khuapi hrang khalah siseh, Vatican ih khawm zawh pawl hrang khalah a rak kilkhawi ringring tu a si. Himi thuthang cu Rome Reports thuthang ihsin kan ngah mi asi.                              

Photo courtesy of: Rome Reports/google images

https://bit.ly/35YbPQm