Rosary thlacamnak cu pulh nat kham tu a si tiah Ireland Archbishop in sim. September 30, 2020

Rosary thlacamnak cu pulh nat kham tu a si tiah Ireland Archbishop in sim. September 30, 2020

          “Innsang ih Rosary cam nak” cu tlawngkai nili ni in an thok ding a si. Hi cangvaih nak cu Rosary thla tiih nemhnget mi October thlakhat pumpuluk sung tuah ding a si.

          Catholic innsungsang zaten Rosary cam in Coronavirus pulh nat ihsin luat dingah forhfial phah in cangvaihnak an tuah ding.

          Ireland ram ah a tui caan sung nat hrik suan aw thar 363 an um thu harhdamnak zungin a rak than. Tui natnak ruangah tu bai te ah a thi thu pakhat khal a um thu tlawngkai nihnih ni ah an suah.

          Curuangah ram sung nat suan tuartu zaten 35, 740 an um ih a thi tu 1803 an um thu le nat nak ruangih a thi tu 579 an um thu tlawngkai nithum ni ah an rak suah.

Bawinu ih bawm nak dilnak

          Tu vek ih cangvaih nak cu kawhhranpi pawl in Covid-19 kham nak ah thatho zet ih tel dingah a si thu, a tu vek ih a hmun lo mi dinhmun vek ah a sehreh thu, innsungsang pawl khal in mai innsang pawl ih humhimnak hrang an sehreh zet.

 Hi pulh nat ruangah milai ih ei in lam khal a siat suah thu, Pope Francis in tui kum, March thla ih a sim mi ‘Urbi et Orbi’ thuthang ah “Kan zaten long pakhat ah kan um ih thlipi a hran ruangah tha ten zoh that a tul.

          Bawmnak a um lo tin khal tuar ter a duh lo. Curuangah Rosary cangvaihnak thawn kan zaten Bawinu ih kilhim nak lakin hmai an nor rero thu theih ter a duh.

A thupibik in October thla cu Rosary thla khal a si ih Bawinui thlacam saknak lang ter in duh. Rosary cu hmun tinkim ah cam a theih. Mitin kim, hmun tin le zo poh poh in ol ten cam a theih.

 Mai innsang ah siseh, innsang ah siseh cam a theih. Rosary cam nak thawngin zum nakih a thuk bik mi thuanthu sim nak a si.

Harsatnak a um rero lai.

          Nat suan awknak pawl a um lai ih harsatnak pawl ruangah Pathian biakkhawmnak pawl cu a hrekkhat hmun le ram pawlah kham a si lai ruangah kawhhranpi pawl in Online ih thlah mi Missa raithawinak ah an tel.

          Kawhhranpi tam sawn cun a hlan vekih Missa raithawinak ah mah rori tel thei nak caan an hngakhlap tuk nain kham mi daan pawl ruangah caan tha an ngah thei hrih lo.

          Nat suan awknak a um rero lai ruangah mi tampi a leng pot thei lo dinhmunah Rosary cangvaih nak cu a thupi zet mi thlarau lam forhfial nak pakhat a si.

A sinain, Rosary cu Missa raithawinak ai-awh tu si lo in mi pahnih, pathum kom aw in hmun khat khat, lo le in khat khat ih thlacam khawm nak a si.

          A tu October thla ah innsang pawl dinhmun in innsang ih Rosary cam nak neih a si le a tha tuk dingih a tul caan khal a si. Rosary cam nak khal hi Pathian hnatuan a si.

Hi innsungsang Rosary cangvaihnakih tuah thei a si le si nak thar thawn Pathian thuthangtha phuan nak cu a tleu deuhdeuh ding a si tiih a zum thu cu September 30, 2020 ah Vatican thuthang ah a rak sim.

https://bit.ly/3ivMLDs