Ruak pawl phum dingah hmun a umnawn lo ruangah Palermo Archbishop riahsia. (November 3, 2021)

Ruak pawl phum dingah hmun a umnawn lo ruangah Palermo Archbishop riahsia.

(November 3, 2021)

              Palermo Archbishop cu November 2 mitthi pawl hrang thlacam sak ni ah Sicily khuapi ih a kau bik thlan Santa Maria dei Rotoli ah a feh. Bishop cu ruak pawl ret mi inn pakhat ah feh in phumnak hmun um lo nak le meisa thawn ur dingah a tlar tlar in a ummi ruak 800 pawl thluasuah a pe.

              Minung ih sinak kilhim dingah, anmah hnen feh in an mah vun mannak ni pawl tuah sak thei dingah Palermo ih mitthi pawl hrangah phum nak ding hmun a silole meisa thawn ur dingah thlan thar kan tul tiin cui hmun ih Archbishop Corrado Lorefice in November 2 sun Pathian thuthangtha a sim nak ah riah siat zet in a sim.

              Thei lovekih umnakin thih nak le pah rero mi tui caan hmanah paisa dung a thlun tu pawl ruangah ngah mi cu a thi tu pawl phumnak ding hmun hman kan nei lo tiin Bishop in a sim. Rotoli thlan cu covid ruangah phum dingah a harsa mi ruak pawl tampi a um nak hmun a si tiin khal Insider report thuthang zung in an suah.

              "Kan thlan pawl kan ngaihsak ding. Thohsalnak hngak phah in kumkhua Pa Pathian innah khat le khat kan ton awk sal hlan sung kan duhdawt mi mitthi pawl sinak nei zetin diaten it thei dingah kan tuah ding" tin khal Bishop in a sim. Himi thuthang cu CNA thuthang ihsin kan don mi a si.

https://bit.ly/3GIcZzU