Russia ralkap pawl in Ukraine rammi Puithiam pakhat kap that

         Russia ralkap pawl in Ukraine ralkap pawl ih thlarau lam kilkhawitu Orthodox Puthiam cu Kyiv peng sungih khua pakhat ihsin a suah laifang ah an kap that. Cuih Puithiam ih ruak vui dingah lak ding khal an sian lo. February 27 ni ah, Orthodox Kohhran sungin ralkap pawl ih thlarau lam kilkhawitu Puithiam pakhat, Fr. Maksym Kozacyn cu Kyiv peng sungah Russia ralkap pawl in an kap that a si tiah RISU in tlang a than. Theologian Andriy Smirnov a facebook ah a tanglam vekin a tar:

         Thah a tuartu Orthodox Puithiam, Maksym Anatolyovych Kozachyn cu 1979 kum ah Dnipropetrovsk peng ih um, Novomoskovsk khua ah a rak suak. 1996 kum ah phunsang tlawng a theh ih, cumi theh in Kyiv khuapi ih Ukranian Orthodox Kohhran ta a simi Seminary tlawng ah a rak lut. Himi tlawng hi 2000 kum ih tlawng a rak thehnak Russian Orthodox Kohhranpi ih theihpi mi cu a rak si lo. 2000 kum ih Puithiam sinak a ngah hnu in, Fr. MaksymKozachyn cu Rozvazhiv khua ih Thianghlim Falahim Maria ih Suahnak timi hmin neimi Biakinnpi ah Parish Priest (kyaungthaing) dinhmun in hna a rak tuan.  Fr. MaksymKozachyn cu mawtaw thawn khua pakhat a suahsan zawngah Russia ralkap pawl in an kap that ih a ruak lak ding khal an siang lo.  

https://bit.ly/35eNGYy