Russia in Ukraine ralbuainakah Biaknak lam ziangtin a thleng thei? (March 05, 2022)

Russia in Ukraine ralbuainakah Biaknak lam ziangtin a thleng thei?

(March 05, 2022)

         Putin in Ukraine a donak cu Ukraine ram ih um Russia Orthodox pawl Ukraine acozah in a namneh ruangah tiah thuhla a sim. Tui doawknak thawn pehpar in sumdawnnak lam thawn pehpar in thuelawknak pawl a um lo. Ram thawn pehpar mi silhkhah tul mi pawl a um lo. A rei zet mi Biaknak lam thuhla ruangah a si tiah a sim.

         Ukraine ram ih tamsawn cu Orthodox Christian pawl an si. Zateek 15% cu Moscow ih um Orthodox zung thuai ih um mi Christian pawl an si. Cui pawlkom in Russia cu an ram ah an nemhnget ih an thuanthu hrampi khal kilkhawi dingah khaisangtu pawlkom a si. Biaknak lam hotu cu Patriarch Kirill a si. Cu vekih nemhnget ih tuah mi sungah Ukraine, Belarus le a dang ram pawl khal an tel tiah a sim.

      A ngaingai ahcun Pope Francis in Patriarch Kirill thawn tonawk a duh thu a rak sim. Russia Orthodox Christian pawl cu nisuahnak lam Europe ah a tha cak zet. Cu vekin Russia ralkap pawl thawn rak do kum 2014 ihsin thok in Biaknak lam namnehnak pawl a um mi thilcang tampi an rak simfiang thei.

      Hi dinhmun cu Soviet Russia a tluksiat hnu Moldova, Georgia, Belarus, Russia thawn a bang aw lo mi Biaknak lam zumnak cu Ukraine ram ah a rak thok thu, tui ralbuainak thehah Biaknak lam dinhmun ziangvek ah a cang ding ti theih a si lo nan tu ahcun Biaknak tinkim in remdaihnak hrangah tiah Ukraine University ah Dmytro Vovk in a rak sim.

         Russia pawl ih hmunkhuarnak hmun pakhat cu Donbas ah Russia Orthodox siar lo a dang Biaknak zaten kham an tuar thu, Biaknak lam hotu pawl, Pathian hnatuantu pawl thahnak pawl a um thu, ralbuainak a can hlan te ah Donbas ah Ukraine pawl in Biaknak lam zalennak an rak ngah. Cui hmun ah Biaknak pakhat lawng si lo in zumnak a bang aw lo mi nisuahnak lam tidaan a zum tu Catholic pawl khal tampi an um ih zalen zet in an rak zum thei. Nisuahnak lam Catholic Diocese ih Archbishop Sbiatoslav Shevchuk in Russia ih raldonak nasa zet in mahthluk tu khal a si thu Kyiv khuapi ih sumdawnnak lam tlawng ih mifim Eugenia Kuznetsova in a rak sim.

         Hi thuthang cu Rome Reports thuthang ih kan ngah mi a si.

https://bit.ly/3Cof9CU