Saya John Tial Khuai Birthday

Saya (Catechist) John Tial Khuai kum (70) kim suah cam (Birthday)

Saya (Catechist) John Tial Khuai kum (70) kim suah cam (Birthday) cu ni 18. 8. 2019 zarh pi niah Falam RC Biak inn pi ah sunglawi zetin tuah a si.

Saya John Tial Khuai cu U Dawi Thang le Daw Sang Thluai tei fapa a si ih C-Zamual khuaah 19.7.1949 kum ah a suak. Kum 1981 ah Rev.Fr Maung Nee kut sungah MaungMya ah kum hnih tin dan nak a neih hnu ah C- Zamual khua ah kum khat a tuan hnu ih 1.4.1982 kum ah Falam RC Biak inn pi ah a Saya a rak tuan thok.

Fate 4 a nei ih nunau 2 le mi pa pa hnih an si. Kum 34 sung Falam RC Biak inn pi ah Saya a rak tuan thei a si. Tui ni 18.8.2019 Sunday niah suah cam kum 70 kim lungawi nak cu Pawl pi zate, khuapi unau,Pawlpipawl le venghnen thianrual tha pawl thawn kumsawm sarih kim suah cam lungawi nak ni sunglawi kan hmang tlang thei a si.
Kan Saya John Tial Khuai par le suah pi lai cin Pawl pi u le nau parah thlasuah mal sawm nak um hram seh.

Falam Parish pi khal in a hnenah lungawi nak tumpi neih a si thu kanrun thei ter a si. hmai lam caan khalah Pathian dam cah nak pe in a san sau hram seh. Amen.