Scotland ram hrangah Missa raithawinak ih siar mi Bible ca thar tuah dingah an tum July 25, 2020

the_bible_a_new_translation_of_the_scriptural_readings_for_the_mass_is_being_prepared_for_scotland_and_other_english_speaking_countries.jpeg

Scotland ram hrangah Missa raithawinak ih siar mi Bible ca thar tuah dingah an tum

July 25, 2020

            Scotland ram, Aberdeen ih Bishop pakhat a si mi Huge Gilbert (OSB)

A tui suah ding mi Missa raithawinak ih siar mi cauk ruangah Pathian ih miphun hrangah Cathianghlim tam deuh in a nung thei ding. Cuihleiah ruah nak, tuar nak, nunphung pawl khal rem in leilungpi khal a thleng ter ding tiin a ruah san thu a sim. Scotland Bishop pawl pawlkom cu Biakkhawm nak ih hmang mi cauk thar pawl tuah dingah timtuah rero a si.

            Himi cauk ih hman ding mi thu hla pawl cu English Standarh Version tong kha hramthoh in an ret. England le Wales ram pawl ihsin Catholic pawl khal hi tong let mi lawng an ring. Himi tong let mi an hmang nak cu kawhhran mipi pawl hrangah hmuh theih rori, theih thiam khal ol in, Scotland, England, Wales ram pawl zaten hmunkhat si ding khal ah a si. A hlan ih hman mi ca ah Jerusalem Bible tiin hmin pek mi tong let mi ca cu a thupi ah ret in Jerusalem Bible cauk hmin a nei mi tong let mi ca suah mi 19600 ihsin thok in Bible ca zingzoi nak tampi tuah asiih an rak hmang a si. A tu suahsal dingmi tuah tikah a dang tong leh mi pakhat hril in, cui tong leh mi ihsin ngah ding mi thlarau lam hlawk nak khal ngah sal duh nak ruangah a si. Cuihleiah Pathian hnatuan tu pawl ih nikhat ah veili an siar mi thlacam nakih hman mi Saam pawl khal Scotland Bishop pawl ih biakkhawm nak thawn pehpar mi committee khal in nemhngek nak an neih thu, curuangah Biakkhawm nakih hmang mi Bible pawl le Pathian hnatuan pawl ih nikhat ah veili an cam mi thlacam nakih hman mi Saam pawl zaten bang rep dingin khal tumtah nak an neih thu, Missa raithawinak ih hman mi tong leh mi Bible hmang dingih hril nakah Scotland Bishop pawl cu a hlan kum ihsin thok in relkhawm in ruah nak an rak nei a si.

            Scotland Bishop pawl khalin a tui suah ding mi Bible cu an hngakhlap zet vekin man nei zet in suah thei dingah a nepnawi, a cekci le felfai zet in siar tikah ol dingin le a hmang tu pawl hrangah theih thiam ol ding cutivek pawl cu telh dingah an rel khawm thu, himi Bibel ca thar tha zet in suah thei dingah kum tampi a rei lai ding. Himi cauk tuah theh veten biakkhawm nakah a tul mi Bible catlang pawl zaten a tel thluh ding thu an sim.

https://bit.ly/3jPB1gX

Add new comment

4 + 5 =