Seoul  (Korea) Archdiocese ah 41 in Puithiam sinak ngah. (Feb 3, 2024)

Seoul  (Korea) Archdiocese ah 41 in Puithiam sinak ngah. (Feb 3, 2024)

Thlang Korea ram Seoul Archdiocese, Myeongdong Cathedral ah nihnih sungah deacons 25 le Puithiam 16 in ordination an rak ngah.

Pawlpi in Leilung tlun hmun tinkimah Puithiam cang dingih kawhnak ngahtu an har laiah Thlang Korean Archdiocese cu Puithiam le Deacon 41 in Ordination cannak an rak ngah.

Diocese ih thuthang an suahnakah deacon thar pawl cu 25 an si ih Puithiam thar 16 pawl in an mai nunram an rak thok tiah a sim. Feb 1 ni ah deacon sinak 25 in an ngah ih  a thaisun Feb 2, ah deacon 16 in Puithiam sinak an rak ngah.

Archdiocese ah minung 1.5 million hrawng an um ih cui hmun le ram ih mipum zatek 15 hrawng an si. Tiduhsan cu Puithiam pakhat in Catholic mipum 1400 hrawng an kilkhawi. Kantahthim a sile New York ih Diocese ah Puithiam pakhat in catholic mipum 1300 hrawng an nei.

Mexico City ih diocese ah Catholic Puithiam pakhat in Catholic mipum 3400 hrawng an kilkhawi.  Republic of Congo ram ih Kinshasa archdiocese  ah Puithiam pakhat in zumtu 10600 an kilkhawi.

Puithiam thar an ngah nak le deacon thar an ngah mi 41 an tam sal ruangah Puithiam 985 tiang an um thu  Archdiocese in a rak lang ter. Hi mi thuthang cu aleteia thuthang in kan don mi a si.