Seoul Archbishop in Pathian riantuan nak hmunah Pathian hawl dingah Pathian riantuan tu ding Puithiam pahnih hnen forhfial. (May 7, 2022)

Seoul Archbishop in Pathian riantuan nak hmunah Pathian hawl dingah Pathian riantuan tu ding Puithiam pahnih hnen forhfial.

May 7, 2022

         Thlang Korea ih khuapi Seoul Archdiocese ih Puithiam pahnih cu ramtin Kohhran leiram asimi Mexico le Taiwan ram pawl ah an thlah ding. Seoul Archbishop Peter Chung Soon Taick in May 4 ni ah Cathedral ah Missa tuah in cui Pathian rian tuan nak ih a feh tu ding Puithiam pahnih hrang ahleice in thla a cam sak.

         Pathian rian tuan a feh tu ding Puithiam pahnih cu Fr.Taegon Andrew Kyung mo Yang asiih, Mexico ram, Monterrey Archdiocese ah Pathian rian a tuan ding. A dang pakhat cu Fr.Kyung Jin Kim asiih, Taiwan ih thlah a si ding. Archbishop in Missa raithawinak ih thu a sim nak ah mai thleng nak Pathian riantuannak hmun ih nunphung, mi pawl upat dingah, Parish ah Pathian hawl dingah, hi thazang pek nak pahnih hminsin dingah, laksawng a cah thu, hminsin mi riantuan nak ding kum pawl a kim ih mai ram ih an kir tikah mai miphun pawl hrang Pathian riantuan in ton mi thazang thangnak thu, thilcang pawl thu hlawm thei hram seh timi thu, Parish ih duhdawt nak hlawm ter sal a duh thu a forhfial.

         Cui biakkhawmnak caanserh ah Seoul Archdiocese ih bawm tu Bishop, Puithiam 32 tel in tuah  a si. Kohhran mipi 400 hrawng le Pathian riantuan in a feh tu ding Puithiam pawl ih sungkhat, rualpi pawl an tel. Sak America ih Mexico ram, Monterrey Archdiocese sungah Parish 240 a um ih, Puithiam 400 an um. A tu vek ih an feh nak cu Kohhran mipi le Puithiam mipum an bang awk lo ruangah asi thu, Kohhran mipum zatek 94 cu Catholic mi an siih, Puithiam pakhat in Kohhran mi 7000 hrawng tuanvo a la tiin an sim.

         Puithiam kawhnak tha a mel ruangah Taiwan ih Pathian riantuan dingin thlah a sinak a si. Taiwan ram cu ram a phunphun ih Puithiam pawl feh in bom in rian an tuan. Ram sung Pathian riantuan tu zatek 90 Puithiam pawl cu ramdang Pathian riantuan tu pawl an si. A tam sawn in Korea, Vietnam, Philippines  pawl an si.

         Seoul Kohhran dinhmun in Puithiam 21 cu ram 11 ah an thlah. An thlah nak ram pawl cu France, Guatemala le Taiwan pawl an si. Seoul Kohhran sung khalah Catholic mipum an thang. Kore ram sung Gospel thuthangtha thleng dingin thlaici a vorh tu cu Yi Seung-hun asiih, 1784 Tuluk ram ah Baptism thluasuah ngah tu a si. Korea ram a thlen tikah zumtu pawl Baptism a pek. A tu ah Korea ram ah Catholic mipum 5.6 tan an um ih, ram mipum cu 2019 ih cazin vekin tan 51 an si. Thlang Korea ram sung ah Archdiocese 3, Diocese 14 le ralkap lam ih Puithiam pakhat a um. Himi thuthang cu RVA thuthang ihsin kan don mi a si.

https://bit.ly/3NcxkzF