Shia LaBeouf cu ‘Padre Pio’ film ruangah Catholic ah thawn. (August 29, 2022)

Shia LaBeouf cu ‘Padre Pio’ film ruangah Catholic ah thawn.

(August 29, 2022)

          Mi hminthang American lemcangtu shia LaBeouf cu Franciscan Capuchin ih lemcang dingah “Padre Pio” ih nunram a zinzoi hnu ah Catholic ah a rak thawn. Kum 36 kim zo mi LaBeouf cu Winona-Rochester Diocese ih Bishop Barron in Latin tong ih tuah mi nunphung Catholic Mass raithawinak ah LaBeouf ih thlengawknak cu Pio dinhmun ih lemcangnak ih tawhfung a si tiah a rak sim. “Padre Pio” film ih director Abel ferrara in “Fellowship of the Down-and-outs” ti mi zoom meeting ah biaknak nei lo mi LaBeouf cu “Pio” film ih lemcang dingah a rak sawm. Ferrara in film timtuahnak hrangah lam a rak hruai ih Capuchin Puithiam tlawng ih zingoi dingah ruahnak a rak pek. Cu mi cu Pathian hnenih a ziaza thleng aw ter tu bik a si.

          LaBeouf cu film ih a tel ding mi mangbang thlak zet mi St. Padre Pio (1887-1968) ih nunram theifiang deuh dingah Franciscan Capuchin Puithiam tlawngah a rak um. “Hi sawmnak hi kei mai hrangah a si. Hi tawk ka thleng zo ih fehnak ding ka nei lo. Hi tlangleng colhnak hmun netabik a si. Hmundang fehnak ding a um lo” tiin LaBeouf in a rak sim.

          Simding tuanvo cu mangbangza pakhat ah ka hmu tiah a sim. “Pathian in a hnenih hruai dingah, leitlung duhnak thinlung ih luat dingah ka uanawknak a hmang ti cu tu lawngah ka thei” tiah a rak sim bet. Hi mi zate hi hmunkhat ah a rak cang. Kan dung kum rei lo te ah director Ferrara thawn an tonawk hlan te ah LaBeouf cu buainak pawl ruangah a rak beidong. 2020, October thla ah 2020 June thla ah Tyler Murphy thawn awkam thawn elawknak le a dang thilcang pawl ruangah mawhpuh a rak tuar. Hi doawknak ruangah LaBeouf in Murphy ih lukhuh a rak fir.Thla malte a rei hnu ah FKA Twigs tiih mi theih tam zet mi mirang hlasak thiam, hla phuahtu le lam thiam, Tahliah Debrett Barnett cu ‘zawnruat loih hmannak’ tiih puhmawhnak thawn tayacuai a rak tuar.

          A dang a duh mi fala nu, Karolyn Pho khal thihnai suak tiang a lu ah a vuak tiah an rak puhmawh. Hi vek thiltha lo mi pawl ah a beidong tuk ih mah le mah thah awk tiang hman a rak cang zik te tiah a rak sim. Lemcangtu in “cabuai parah methal pakhat ka rak neih ruangah a lengah ka rak um. Hi thil zate a can hnu cun dam ka peih nawn lo. Thawthawt ding hngilh ding tluk ih ningzak thlak veikhat hman a hlan ah ka rak tong dah lo. LaBeouf in a design a sunnak ih tuar mi, a timtuah mi pawl hlohnak le thinnatnak tumpi le midang siatsuahnak pawl ruangih a tuarnak thuhla a rak phuang. A rak nung paih nawn lo.

          A nunram cu “Padre Pio” ih nunram zingzoi dingin Puithiam tlawng Franciscan Capuchin ih a umnak thawngin ruahsannak a hloh mi ihsin ruahsannak pakhat ah a rak thleng. “Ruahsannak I pek tiih I ruat ter tu Jesuh Khrih tonnak a si tiih ruah thei mi hnakin ka rak sual mi midang pawl ih an hmuhnak a si” tiah LaBeouf in Bishop hnenah a rak sim.“Baptism ka rak lak lai ka thei lo. Ka nunram tuante in Baptism ka lakh man ka thei lo. (Tumkom Pathian hminsinnak) thawn ka pa te in Baptism I rak pek” tiah a rak sim.

          “Padre Pio” film cu September thla ah America ram ih tarlang dingah an tim lam ih 2020 ih rak zuk sal mi lemcangtu Shia LaBeouf ih lemcannak hngilhlonak ah a si. Francesco Forgione, OFM Cap cu Padre Pio le Pietrelcina ih St. Pius tiin an thei tam. A mah cu a hriamhma lole Bawi Jesuih hriamhma a taksa ih rak tuartu mi hminthang zet mi Italian miphun, Franciscan Capuchin Puithiam pakhat a si. A kum 81, 1968 ah a nunnak a rak cem ih 2002 ah Pope John Paul II in Mithianghlim ah a rak khaisang.

          Hi thuthang cu RVA thuthang ih kan ngah mi a si.

https://bit.ly/3CEC0fF