Siangbawi pawl zate ih thianhlim nak hrangah Annual Global Rosary Relay cu Pope Francis hrang thlacam dingah sawm nak June 19, 2020

Siangbawi pawl zate ih thianhlim nak hrangah Annual Global Rosary Relay cu Pope Francis hrang thlacam dingah sawm nak

June 19, 2020

          Siangbawi pawlih thianhlim nak hrang tumtah mi "The Annual Global Rosary Relay" cu June (19) sun ih tuah a si mi a Thianghlim mi Jesuh Thianghlim thinlung puai niah tuah a si. Tui tum a tel tu pawl cu Pope Francis hrangah thlacam sak dingah Vatican thuthang ihsin sawm nak a dong tu pawl an si.

          June thla (19) sun ih tuah mi a Thianghlim mi Jesuh Thianghlim thinlung puai niah leipar ih minung pawl cu Global Rosary Relay ih a vei (11) nak niah an pum khawm ding a si. Pope a mah rori in Rosary cam kum, cui tik caan ah Siangbawi pawl thianhlim nak hrangih thlacam sak tu pawl hnen ah Pope in thluasuah pek nak a nei.

          The Global Rosary Relay cu Marian Muhall tiih kawh mi langsar ter nak ih a thiam nal pawl hnen ihsin leilung pi ih Siangbawi pawl hnenah thlacam nak thawn tha pek duh nak tumtah nak thawn din mi Worldpriest Global Apostolate ih a hramthoh nak a si. Ms Mulhall amah rori in lungkim nak, a liam zo mi kum (11) luanah zing a thawh caan ah 'Ram (20) le zung (20)' a um mi Mithianghlim hnatuan nak cu cangvaih nak men men in a suak ih, caan reipi a ruah hnuah a ruah ngah mi cu amah le a rualpi pawl cu 'Annual Global Rosary Relay' din dingah a pot cat.

          A liam zo mi kumhra luan ih a tel tu pawl cu an tam. Marron in "Leipar ih a ummi pawl tinkim ah kanmah kan um. Zo hman kan taan lo ding" tiin a sim. 2019 kumah Global Rosary Relay ah thlacam nak hmun (285) a um ih, numbet pek in nithla ngan ding tisehla leitlun kil tinkim ah thlacam nak hmun (300) tlun a um. Ton awk nak ih thu rel khawm mi kan zoh hnik pei. Pope Francis hrangah thlacam nak tui kum Relay cu Pope hrangah an ap. Marion khal in Pope Francis hrangah tikcu rikhiah a um ruangah tui kum ahcun Pope hrangah a hleice thlacam nak tiin Rosary cam nak zoom ah tuah dingah pot cat a si. A rem cang ti khal in a ruat.

          Pope Francis cu Kawhhran mipi pawl hnen a mah hrang thlacam sak dingah zangfah a dil. Curuangah himi cu Pope hrangah thlacam saknak dingah caan tha a si thei tiin a sim. Cunu cun himi pulhnat caanah video ih thurel khawm nak cu zum nak karh nak dingah a hman tlak le tlak lo a suh tikah cu nu in Biakinn pawl khar caanah himi tuah nak cu a that hnem tuk thu a sim. Tui kum ah pulhnat ruangah Global Rosary Relay an lang ter nak program ah mipi pawl hrangah an thlacam nak hmun ihsin tel dingah a sawm. Ms Mulhall khal in 'himi thil cu leilung pi hrangah innsang pakhat ah hmun khat ten a khawm aw ter thei tu a tumzet mi caan tha a si' tiin thuk zet in a sim.

https://bit.ly/2AU54me