Siangpahrang fapa Philip nunnak a liam nak hrangah Pope in a thin a nat thu ca a kuat April 10, 2021

Siangpahrang fapa Philip nunnak a liam nak hrangah Pope in a thin a nat thu ca a kuat

April 10, 2021

            Vatican ram leng lam thu ih upa Cardinal Patrick Perolin cu Pope Francis ih aiawh in British Siangpahrang fapa a thih nak ruangah riah siat nak capi cu Siangpahrang Bawinu Elizabeth hnen a kuat. Rinlopi ih theh mi thuthang ruangah Pope cu a thin a na ih Siangpahrang Bawinu le a sung khat zaten thawn hmun khat ih a tuar thu sim phah in midang tampi that nak hrangah Siangpahrang fapa ih tuah tuan mi pawl zaten, ahleice in santhar pawl hrangah fimthiam nak tuah tuan nak tampi a um thu sim in rundam tu Khrih ih zangfah nak co dingah Pope in thla a cam sak thu Cardinal ih ca ah a ngan.

            Thinna ih a um tu dign a tang lai mi Siangpahrang Bawinu le innsang cu a thosal tu Khrih ah ruahsan nak nei thei dingah le innsang parah Pathian ih hnem nak le remdaih nak ngah hram seh tiin thluasuah pek nak thawn ca ngan mi a cem ter a si.

            British Siangpahrang fapa Philip cu a kum 99 ah kan dung tlawngkai ni nga ah a nun nak a cem. Amah cu Greek le Danish innsungsang ih a rak suak ih 1947 ah Siangpahrang fanu Elizabeth thawn kutsih nak an rak nei. Elizabeth cu 1953 ah British Siangpahrang Bawinu lukhuh a co tu a si. Amah cu Pope a dot dot thawn a nel aw tu a si. Siangpahrang Bawinu asi hnu Vatican ih ahmaisabik a thlen nak cu 1961 may 5 niah asiih Pope John XXIII in a pasal Philip thawn a tong.

            Siangpahrang Bawinu cu Pope John Paul II thawn veithum an tong awk vekin Pope Benedict thawn 2010 ah an rak tong aw ih Pope Francis cu 2014 ah an tong aw. A tang lai mi British Siangpahrang innsang pawl cu caan a um vek in tuletu ti tluk in Vatican ah khual an tlawng tiin theih a si. Himi thuthang cu Vatican thuthang ihsin kan don mi a si.    

https://bit.ly/3wKTiT9