Singapore Cardinal in remdaihnak kilhim dingah le pehtlaihnak tha deuh dingah zaangfah dil (November 09, 2022)

Singapore Cardinal in remdaihnak kilhim dingah le pehtlaihnak tha deuh dingah dil.

(November 09, 2022)

           Singapore Cardinal William Goh in Asia Continent ah remdaihnak kilhim dingah le pehtlaihnak thangso dingah thupit in a rak sim. A dang biaknak lam hotu pawl, acozah le acozah si lo mi pawlkom vekin a kau mi pawlkom pawl thawn tuan tlang a tul thu Cardinal William Goh in a rak sim.

           Asia Bishop pawl ih conference pawlkom ih hmuhdaan, Asia lungrualnak ih tulsam mi thurelnak ah Asia Pawlpi cu “nunphung le Biaknak lam thureltlangnak pawl khaisang dingah le kan rak um thok daan dinhmun pawl khat le khat thei thiam dingah tuanvo kan nei tiin khal a sim.

           Philippines ram, Manila ih um mi Radio Veritas Asia compound sungah Nov (7-9) tiang “pehtlaihnak thawn khualtlawng rero mi Pawlpi” timi thulu thawn tuah mi vei (27) nak Bishop pawl thurel tlangnak ah Cardinal in a rak sim mi a si. Cardinal in Asia continent ih um mi Christian pawl cu mipum mal mi Biaknak pakhat a si ruangah acozah cu a dang ram in minung tiah hmu loin mission riantuantu rualpi tiih hmu dingah khal a rak forhfial.

           Kan mah in kan sim rero theu ko nan kan zumnak pawl cu mitin parih ret a ngah lo. Biaknak lam hruaitu pawl cu acozah thawn tuan tlang ding a thupi zet. An mah thawn remdaihnak ngah dingah midang pawl thawn rel tlang duh tikah Pathian ih sersiam mi a hmuihmel vekin an mah kha cat loin pehtlaih a tul tiin Cardinal in a rak sim.

           “Pathian ih hmuihmel le si daan lang ter mi mi pakhat ciar thawn tonawknak dinhmun ih tongawknak pawl ruat in kan nih in mi pakhat ciar parah sunsak in digital technology pawl hmang in mi pakhat ciar ih bulpaak thuhla pehtlaih a tul tiah sim phah in technology lam ih thiam zet mi mino pawl le technology lam ih thiam lo mi kum upa pawl hrangah a bang aw lo mi khat le khat lehrul daan pawl hman a tul thu Cardinal in a rak sim.

           Asia continent ih um mi mitin cun a bang aw mi sim thei nak kan neih lo khal le technology san ah thuthangtha phuang dingah man cia dingin a rak forhfial ih technology ih bang awk lo nak pawl khal tawlrel a tul thu sim phah in “Puithiam pawl le a dang Biaknak lam hruaitu pawl khal media hman tikah timtuah awk a tul; a si lo le an mah in Pathian thuthangtha a thei tu parah a langsar mi thathnemnak a um ko nan a palh mi thil pawl an sim ding” tiah Cardinal in a rak sim bet.

           Hi digital media thuhla theih sinsinnak thawn tui san milai pawlkom cu bulpaak daan ih cin le daan sungah cui thil cu dik zet ih hman daan hrangah a dik mi thil terek pawl pe dingah tiah Cardinal in a rak ism.

           “Fimthiamnak le innsaknak thu reltlang ding hi a thupi zet mi a si. Kan tuah thei lo pang a si le ziang tinkim hi pehtlaihnak thawn a pehtlaih awk ruangah kan caantha kan sung ding. Tui san technology cu Puithiam pawl le Puithiam cang tu ding pawl in tha zet in thiam dingin tuah in zirh ding hi a thupi tuk” tiah sim phah in Cardinal cu a thusim a rak cawl.

           Hi thuthang cu RVA thuthang ih kan ngah mi a si.

https://bit.ly/3UrFuIP