Singapore Cardinal in Syro-Malabar nunphung ih nel awk ten kom mi pehtlaih nak hrang lawm (July 26, 2022)

Singapore Cardinal in Syro-Malabar nunphung ih nel awk ten kom mi pehtlaih nak hrang lawm

(July 26, 2022)

              Syro-Malabar nunphung dinhmun in an nunphung pawl cu hmailam santhar pawl hnen hlan mi daan a lom thu Singapore Diocese Bishop Cardinal William Goh in July 16 ni ah dungthluntu St.Thomas buaih ngah tu Syro-Malalar Jubilee tuahnak Bawi Jesuh hmuihmel thlengnak biakinn ah a rak sim.

              Syro-Malabar Catholic Pawlpi nunphung thawn Missa raithawinak ah Archbishop Goh in an zumnak cu dungthluntu St.Thomas ih zumnak thawn tahthim in a sim. Dungthluntu Thomas cu Bawi Jesuh ih thohsalnak cu a thok ah a rinhleh nan netaah Khrih ih tuarnak pawl a hmuh hnu Khrih ih teitikhan tu a si nak thu thawn a tah thim.

              St.Thomas vekin zumnak thang thei dingah nannih khal Khrih nan hmuhhlan tiang nunphung thawn pehtlaih nak in zumnak a nung thei tiin Bishop a sim. Naiten a hnget mi nunphung nei ding khalah a forhfial. Cuihleiah Nu Pawlpi thawn hmunkhat ten um in tuah thei dingah a siih cutilawngah Singapore Catholic Pawlpi dinhmun thawn a dang mi nunphung a famkim mi biakkhawmnak pawl kom in Pathian ih fa pawl tiin pakhat lawng asimi zumnak, pakhat lawng asimi thinlung thawn leilungpi hnen langter ding tiin a sim bet.

              Archbishop Goh thawn Syro-Malabar Cyria Bishop Mar Sebastian Vaniyapurackal, mivai pawl kilkhawi dignah le Kohhran karhzai nak commission secreaty Fr. Sebastian Muttamthotti thawn Diocese bomtu Puithiam Fr.Anthony Kutttianickal pawl in Syro-Malabar Missa raithawinak an tuah.

              Syro-Malabar Catholic pawl cu dungthluntu St.Thomas ih nuntuzia a thluntu pawl an siih anmah le mah Thomas Khristian pawl tiin an ko. Anmah pawl cu Rome ih Nu Pawlpi thawn a famkimmi pehtlaihnak nisuahnak lam Catholic Pawlpi pawl 23 lakah pahnihnak a tumbik tiin an sim. Himi thuthang cu RVA thuthang ihsin kan don mi a si.

https://bit.ly/3bczAcW