Singapore Catholic Diocese ah Pathian biak khawm nak an cawl hrih (30.1.2020)

Singapore Catholic Diocese ah Pathian biak khawm nak an cawl hrih(30.1.2020)

           Singapore ram Catholic Bishop pawl in Catholic Khrihfa pawl hrangah ca pakhat an suah. Kan mah Catholic lam khalin Virus a karh zai lo nak dingah a cang thei tawkin kan tuah a tul ve a si. Minung a burburih um nak tuah lo nak cu virus karh zai lo dingih bawm tu a si ve. Pathian thu zirnak, a burburih Pathian thu lung ngai nak khal an cawl lawk a si. Kut sih nak le Mithi thu lamah cun a dang a si dingih cu mi ih kawh nak a ngah tu pawl lawng kha tuah dingah an sim a si.

           Thu poimawh tuk sacramentu thawn a peh par aw mi khal nan mai singbawi thawn ruah rel aw uh. Sacrament a pe tu ding pawl khal ral ring ten tuah uh. Biak inn pi sungah Missa raithawi nak tuah lo ding ti tikah Catholic pakhat ih a tuah ding mi thlarau lam thil tul mi tuah thei nawn lo ti nak cu a si lo. Pathian lamih an thlah mi Youtube le Catholic radio  in siseh, an thlah mi lives pawl zoh nakin cu miah thlacam nak thawn kan tel ve thei a si. Hmun khat ah  thlacam nak kan tuah thei lo hman ah a mal bikin ni khat ah nazi khuai sung tal Pathianih tong kam ruat cio dingah an sawm a si.

           Vutzam culh ni (Ash wednesday ) ni khalah a thiang mi vutzam culh nak cu tuan vo nei tu pawlin an um nakih zir in vutzam culh nak an tuah dingih calpar ah cun culh a si lo ding tiah Singapore Catholic Kawhhran pi in Website News ah an tar lang a si.

Add new comment

2 + 4 =