Singapore ih Papal Mass tel dingah online mee in ticket 40000 pe.

phishing_scams.

Singapore ih Papal Mass tel dingah online mee in ticket 40000 pe.

Pope Francis cu a ra lai ding mi September thla ah Missa raithawinak caanserh hmang dingin timtuah a si ih cu mi ah lethmat 40000 cu online in hminpeknak thawn a ngah thei ding tiah an sim.

Pakhat ciar hrangah June 24 in hminkhum an thok ih pawlkom pawl hrangah July ni 1 in an ong thok dingih July ni 31 ah an pihsal ding tiah archdiocese of Singapore ih thuthang suah theinak a neitu Catholic News ih suah mi in theih a si.

Lethmat zuarnak subcommittee ih upa a si mi Lawrence Chan in Pawlkom ih hmin pekna cu a bangaw lo mi Parish pawl in a thlengtu ding pawl kha hmunkha ah dil a theih dingih an ngah a sile Mass (Missa) ah hmunkhat in an to tlang thei ding tiah a rak sim. Phuahkhatah mi 6 tiang a tel thei tiah simfiangnak an nei.

Baptism a ngah pektu pawl le Rite of Christian Initiation of Adults (RCIA) ih tel mi catholic a silo mi pawl tel in zumnak lam ih a thar mi catholic mi pawl hnen tel dingah Pawlpi in tha pe in a rak sawm a si.

Pope Francis, Singapore 2024 ih Puaicangsuak committee ih tuanvo neitu (co-Chair) Msgr Stephen Yim in hmunhma remcan lo nak ruangah lethmat a ngah lotu pawl cu online ah tel in rak zoh dingah a rak sawm.

Hi mi result pawl cu myCatholicSG portal hnen in August thla ah than a si ding. Volunteer pawl le parish tumdeuh pawl hrangah a dangten then sakin timtuah cia a si ih sawm mi mikhual pawl cu mee peknak ah telh lo in a dangten ret a si ding tiah an sim.

Pope cu september 2-13 tiang Indonasia, Papua New Guinea, Timor Leste le Singapore ah a tlawng dingih a khual tlawnnak ah a rei bik mi tipi kan a tuukhal khualtlawnnak a si ding.

Pope cu Indonasia, Jakarta in September ni 3 in a tlawng thok dingih September ni 6 tiang cui hmunah a um ding.

Cuihnuah Pope Francis cu a fehbet dingih Papua New Guinea ah September ni 9 tiang a um ding. September 9-11 tiang Timor Leste ah a um ding a si.

Pope Francis cu September 11-13 tiang Singapore ah a um dingih cui hmun in a Tuukhal khualtlawnnak a cem ding a si.

Add new comment

4 + 8 =