Sister Project program ihsin hlawhtling nak tampi tuah thei (May 24, 2022)

Sister Project program ihsin hlawhtling nak tampi tuah thei

(May 24, 2022)

              Davos khuapi ih tuah rero mi leitlun sumdawnnak thurelkhawmnak ah "Sister project" ih pawlkom sungtel pawl an tel ih, minung covo cangvai tu pawl, sumdawnnak lam hnatuan pawl thawn khat le khat el aw in thureltlangnak an tuah. Ram tinkim Sister kaing pawl ih upa pawl pawlkom UISG ih Sr.Patricia ih thusuah mi cu leilungpi cu ralthatnak thawn a khat mi hotu pawl (nunau pawl tel in) a tul thu a si.

              Kannih Pathian riantuan kiang sungtel nunau pawl cu mipi ahleice in hnon tuar pawl thawn naiten hna an tuan thu Sr.Patricia Murray in Davos khuapi ih mipi pawl tonkhawmawknak ah a sim. "Goal 17" center ah amah cu Google le Unilever vek ram tinkim company ih aiawh tu pawl thawn an tongkhawm aw. Nunau Sister pawl dinhmun in mi kiangkap ih ton mi sawmnak pawl thawn thuk zet in pehtlaih awk a si thu a sim.

              Cui buaiank pawl cu harhdamnak, fimthiamnak, mivai pawl bom nak le zuar tuar mi pawl ngaihsak ih kilkhawinak a si. Ziangih siar lo a tuar tu pawl le hnon tuar pawl hrang hmun, ram le ram tinkim pawl ah din daan thleng dingah a ruahsan thu Sr.Patricia in a rak sim.

Kan zum nak ihsin hip nak

              India ram ih Sr.mary John khal in Sr.Murray a rak lungkim pi ih mi raltha hotu pawl dinhmun in a hnget mi tumtahnak le ruahsannak neih a tul thu a lang ter ih cui thil cu midang pawl thatnak hrang mai nunnak pe aw tu Sister pawl ih zumnak ihsin a suak mi a si.

              Hlawhtlinnak a ummi tumtahnak hnatuan nak pawl cu mipi hnenah amah in Davos ih thurelkhawmank ah asim ih a fate mi hnatuan nak pawl asinan a tum mi a rah suak a um thu a lang ter. A tu laiah anmah pawl cu Ukraine ih nunau pawl thu a hleice in an ngaihsak thu asim. Sinak thawn a famkim mi minung nunnak famkim in langter nak kan Bible cathianghlim vekin ruahsannak ah mi zalen sinak thawn famkim in nung thei nak dinhmun pawl tuahsak dingah asi tiin "Sister Project" ah a tel tu Sr.Ruth Pilar del Mora in Davos ah a sim.

              Nunau Pathian riantuan kaing sungtel pawl dinhmun in zovek mi pakhat khal hnong loin, buainak le tuahmawhnak pawl a can tinten dungtun nak a um lo thu thupi zet in a sim.

              Tahthimnak in Myanmar ram ralkap pawl hmaiih khuk bil tu Sr.Ann Rose Nu Taung , siivai, dat sii le electric meisa siatnak pawl ruangih duhphorh nak a nei tu pawl a rak do kham sak tu Sri lanka ih Sister pawl, Chad ih kum 5 sung kaih a tuar hnu a luat sal tu Columbia Sr.Gloria Cecilia Novarez pawl thu a sim. Annih pawl cu daiten a thup ten an um n an anmai ralthatnak ih ho nak pawl cu zum ban lo mi zohthim tlak pawl an si tiin a sim.

              Netabik thurel khawmnak ih ral mi cu "raltha mi hotu tha pakhat dinhmun in, minung ngai ngai sinak, thil thar pawl parih thiltha hmuhnak, thilthar tuah thok nak pawl le nunram ih sung nak pah thei dingih a tul mi pawl an si thu Sr. Murray in a rel. Himi thuthang cu Vatican thuthang ihsin kan don mi a si.