Slovakia pawl ih Cardinal Jozef Tomko a kum 98 ah Rome ah nunnak cem. (August 9, 2022)

Slovakia pawl ih Cardinal Jozef Tomko a kum 98 ah Rome ah nunnak cem.
(August 9, 2022)
Tui a dam lai mi Cardinal lakih kum upa bik cu Rome ih a umnak ah August 8, zing 8am, a kum 98 ah nunnak cem. June 25 ah Cardinal Jozef Tomko cu a sung lam nat nak tuamhlawm dingah Rome ih Gemelli siizung ah tuamhlawm a si. Vatican ih secretary Cardinal Pietro Parolin in siizung ah a veh. Tomko cu a umnak ah August 6 ah a tlung sal ih inn ihsin tuamhlawm a si. St.Vincent de Paul Sister pawl in an tuamhlawm.
Amah cu Cardinal phunsangtlawng ih upabik a si. Cardinal phunsangtlawng sung tel a sinak kum 37 asi zo. Pope John Paul II in amah cu 1985 May ah Cardinal sinak a pek. Tomlo cu a colh hlan 2001 a kum 77 tiang minung pawl hrang thuthangtha simnak ah kum 16 sung hna a tuan.
2001 ihsin 2007 tiang leitlun huap Bawi Jesuh Thi le Sa thurelkhawmnak committee ih President tiin kum 6 sung a tuan. Cardinal cu President aiawh tu pakhat tiin the Special Synod of Asia Bishop timi council ah 1995 September ah a rak tuan. Cumi kum laiah Africa, Asia le Latin America pawl ah khual a tlawng.
Slovak Bishop pawl pawlkom in Catholic mipi pawl hnenah Cardinal Tomko ih thlarau hrang thlacam dingah an dil. Slovak Bishop pawl pawlkom zung in Cardinal cu Hungary ramri, nisuahnak lam Slovakai, Kosice ih St.Elizabeth Cathedral ah phum dingah an than ih caanserh pawl cu reiloteah an than ding. Himi thuthang cu RVA thuthang ihsin kan don mi a si.
https://bit.ly/3QtwIYa