Slovakia ram ih mino pawl an mai tuah mi pawnghmuk (sang) Pope Francis hnen laksawng ah pek (February 06, 2022)

Slovakia ram ih mino pawl an mai tuah mi pawnghmuk (sang) Pope Francis hnen laksawng ah pek

(February 06, 2022)

          Slovakia ram ih thatho zet mi Catholic mino pawlkom in kan dung September thla ah an ram ah nithum rei a rak um ih a rak tlawng tu Pope Francis hnen tongaw sal dingah Rome khuapi ah an rak feh. “Kan nih cu Slovakia in kan si. Cule Rome khuapi ah ra in Pope kan ra tong. Cu mi cu a ropi zet tiih ruah mi hi nunphung cu Pope hmuh ter kan duh” an tiih mino pawlkom sungih Palo le Anezka in an sim.

          Mino pawl cu mipi thawn tonawknak ah an rak tel ih Pope hnenah an mai inn ih tuah mi hmuk pawl pe in an ram ih a tlawn ruangah an lungawi thu langternak caan an rak ngah. Pope khal in an khua ihsin mino pakhat ih a pi rori ih tuah mi inn ih tuah mi pawnghmuk cu Slovakia ram ih hminsinnak pakhat a si ih Pope khal in a duh ih malte sung caan pe in an rak biak awk ngah ruangah khal an lungawi thu mino pawl in an sim. An nunphung shirt angki khal an rak pek ih Slovakia ram ah cin le daan tampi a um ih khuapi pakhat ciar ah a danglam mi nunphung pawl a um.

          Hi mino pawl cu an mai cin le daan pawl an sunloih zet ih Pope Francis ihsin thok in an nunphung thuhla leilungpi ah zem darh duhnak thinlung a nei tu mino pawl an si. Hi thuthang cu Rome Reports thuthang ih kan ngah mi a si.

https://bit.ly/34nfUzL