Social media ah Korea Catholic pawlkom ih thuanthu an rak ngan thei (February 18, 2022)

Social media ah Korea Catholic pawlkom ih thuanthu an rak ngan thei

(February 18, 2022)

            Korea ram Seoul khuapi ah 2022 ih leitlun minung pehtlaih awk nak congress (SWC) an tuah. Cui congress cu “Metaverse” social media ihsin leitlun killi ih Catholic pawl tel thei dingah le a tuah ding tikcu rori ah tel ter thei tu a hmaisabik caanserh a si. Himi caanserh cu a ralai dingmi August (15-18) tiang tuah ding a si. Leitlun killi ih Catholic thuthang la tu pawl le mipi pehtlaih nak a tuah tu Catholic mipi zaten Seoul khuapi ah an tong aw ding.

            Caanserh ah mah rori a tel thei lo tu pawl khal online in hmuh ton mi zoh a theih. Tuah ding hmun rori cu Seoul khuapi ih Sogang Jesuit college innpi ah a si. Caanserh ih thulu cu “Peace in the Digital World” (mipi pehtlaih nak fimthiam nak ih remdaihnak) tiin a si. Cui program cu kumkhat hnu ih tuah nak a si. Kan dung (2020,June,20) ah leitlun mipi pehtlaih nak director pawl in kumkhat hnu ah tuah dingin an lungkim. A hman ah cun (2021,August) Seoul ah tuah ding ih rak timi a si.

            Mipi pehtlaih nak hnatuan nak cu Vatican ih theih pi mi Catholic mipi pehtlaih nak a tuah tu pawlkom a si. Cui zung cu Vatican le Brazil ah a um. Media lam ah a thiam nal dingmi pawlkom pakhat a si. Media ti tikaah thuthang ca, thuthang lawng siloin, radio, TV, flim, video ihsin fim nak pek nak program suahnak, Internet le fimthiam nak a thar mi zaten a tel.

            Cui program suahnak ah Missa raithawinak hleiah thurelkhawmnak, Metaverse thawn pehpar in bomnak asile silo pawl me pe in thu bot cat nak pawl khal an suah ding. 2022 SWC dinhmun in a danglam mi caantha pawl asimi himi program ah a tel tu pawl hnen Pope Francis thluasuah khal an ngah ding. Korea mipi pehtlaihnak commission cu KBS, MBC, SBS, EBS le CPBC pawl vek aw thawn nak zung pawl thawn khal pehtlaih nak an nei. Kan dung kum tiang Thlang Korea ih Minister asimi Han Seung-soo cu SWC ih upa siih, Korea ram ih GG56 ih CEO asimi Kim Young-kun thawn tuan tlang dingah lungkim nak an nei. Amah in Korea dinhmun in Metaverse fimthiamnak pehtlaihnak cu Korea pawl ih a thar ih tuah mi cet lam ih kum 4 kim hmuak nak asi tiin a sim. A hlan Minister in Seoul Archbishop Peter Chung Soon-taick hnen program pawl cu pulh nat karlak ah Gospel thuthang tha kha tuah daan hawl in a than ding tin khal theih a si.

            Korea ih GG56 cu Hong Kong ah zung an phuan ih, Korea mipi pehtlaih nak thawn khal pehtlaih nak an nei. A tui tuah mi program ah GG56 dinhmun in Metaverse feh daan ding tuah nak ah fimthiamnak hlawmnak a tel thei ruangah sunloih za a si thu, himi tidaan thawn leitluni h 1.34 billion Catholic pawl thawn pehltaih a theih ding thu, thuthang vekin Metaverse feh daan cu aralai ding mi June ah an man thlang ding tiin an sim. Himi fimthiam nak cu kilthum ih hmuh thei mi fimthiamnak ah hram a bun. Himi fimthiam nak cu covid 19 ruangah khualtlawng dingah harsat nak a tuar tu pawl hrang khalah khamnak a felfai ter tu tiin khal a cang. Himi thawn thawng tampi Catholic pawl, thuthang la tu pawl, a dang fimthiam nak pawl thawn fimthiam nak pholang nak a tuah tu pawl tiin thaten tel a theih.

            Korea ram ih mipi pehtlaih nak commission ih President asimi Francis Kim Seung wal khalin congress kha then thum in tuah ding asiih, congress zone, remdaihnak lam zone le a thianghlim mi hmuhnak zone pawl tiin a si thu, congress zone ah congress tuah dingah a tul mi hall khan, malte dung colhnak khan le thlacam nak khan pawl a tel ding. Himi program ah online thawn a tel nan Metaverse fimnak thawn pehpar in me pek ih thu then nak ah mah rori hall khan ah um lonan me pek a theih thu, a tel mi ram tinkim ih Catholic biaknak le Catholic fimthiam nak pawl khaisang thei nak khal a tel.

            Remdaihnak zone ahcun Catholic pawlkom pawl hrang a hlu khuan nak a tel ding. A thianghlim mi hmuh nak lam ahcun program ih a tel tu pawl Korea ram sung khawm zawh feh nak a si thu, than ding mi thuhla pawl cu kilthum ih zoh nak than ding a si thu, hivekin mah rori program tuah nak ah um lonan thurelkhawm nak pawl ah thu sut in relkhawm a ngah thu an sim. Himi thuthang cu RVA thuthang ihsin kan don mi a si.

https://bit.ly/3LKn3Lk