South Korean President in Pope Francis hnen wire hri thawn sak mi Thinglamtah laksawngah pek October 29, 2021

South Korean President in Pope Francis hnen wire hri thawn sak mi Thinglamtah laksawngah pek

October 29, 2021

         Thlanglam Korea ih President Moon Jae-in cu Rome ih tuah mi ram 20 ih hotu pawl thurelkhawmnak ah tel in Pope Francis thawn Vatican ah an tongawk. Pope Francis le tui South Korea ih President cu 2018 ah a veikhatnak Korea ah an rak tongawk. Cu ti an tonawk lai ah President in ‘Ka ra lo tong ding. Cu tik le South Korea ih President dinhmun in siseh, Catholic mipi pakhat dinhmun in ka ra ding. Baptism ka lak mi hmin cu Timothy a si’ tiin nel aw zet in cibai an rak buuk awk. Curuangah an mai tui an tonawknak cu a veihnihnak tonawknak a si. An tonawk laiah leitlunhuap pi ih ton rero mi harsatnak, nikhua satnak, sak lam Korea thawn remawk sal nak thuhla pawl tla an rak rel tlang.

         Hotu pahnih ih tonawknak a thokin a cem nakah nel aw ten duhdawtnak hmuh a theih. An tonawk lai ah South Korean President in Pope hnenah wire hri thawn tah mi Thinglamtah pakhat laksawng ah a rak pek. Cui wire hri cu sak le thlang Korea then dingah dar mi wire hri thawn tah mi a si. Duhsan a nei zet. Ziangah tile an thu rel mi pawl ah thlang le sak remawk salnak khal a tel. Cu vekin Pope Francis South Korea a tlawn lai ah a mah dinhmun in thlang le sak thleidannak um lo in Korea tiah a rak hmang.

         Tu vekin ramri then ih nemhnget mi thir hling cu lak in Thinglamtah 136 a rak tah. Sak le thlang Korea an rak thenthek nak kum 68 a rei thlang. Hi Thinglamtah laksawng ih peknak thawngin Korea tikulh ih a cang rero mi ralbuainak man salnak ah a si. Cu vek thotho in Pope kha South Korea ih tlawng dingah a sawmnak vek ah a cang. Pope khal in a mai laksawng ah tui kum ih remdaihnak tongkam a rak pek. Cui hnu ah President le a nupi pawl cibai a buuk ih Pathian in lo thluasuah hram hai seh tiah thlacam in an tonawknak a rak cem.

         Hi thuthang cu Rome Reports thuthang ih kan ngah mi a si.

Photo courtesy of Rome Reports/Google images

https://bit.ly/3bS8Awj