Spain ramah Jesuh Khrih ih hman mi Chalice khuat thawn Jubilee tuahnak thok. October 28, 2020

Spain ramah Jesuh Khrih ih hman mi Chalice khuat thawn Jubilee tuahnak thok.

October 28, 2020

            Spain ram Valencia myo ah neitabik zanriah ei nak ah Bawi Jesuh hman mi Chalice khuat thawn Jubilee kum cu Cardinal in hoha in a ong. Cui Jubilee kum cu kumkhat sung a rei ding. Valencia myo ih Diocese Cardinal Antonio Canizares in “harsat nak chalice khuat” tiin Jubilee kum cu a ong thu zarhpi ni ah a than. Valencia ah 2015 hnu a veihnih nak tuah mi Jubilee kum a si. Pope in hmun le ram ih kawhhran mipi pawl cu feh dingah le thangphork nak thar si dingah Jubilee kum pawl cu kum nga veikhat can a pek. Cardinal ih thuthangtha ah “Bawi Jesuh ih harsat tuar nak ah tel ve dingah a forhfial duh thu, a tul bik mi pawl, harsat tuar pawl, nulepa nei lo pawl, kum upa pawl le sumdawn nak harsat tuar tu pawl thawn mai nun nak hmang dingah” a forhfial. Cui hleiah Bawi Jesuh ih Chalice khuat ret nak biak inn ah ra in thla cam dingah kawhhran mipi pawl a sawm.

            Tui Jubilee kum sung cui biak inn ah a feh tu zaten Indugences timi sualcawh kuan nak in luat nak an ngah ding a si. Cui biak inn ah Bawi Jesuh ih Chalice khuat hleiah linglukhuh ihsin ling pakhat, thinglamta ih thing bel te pakhat le Bawi Jesuh thinglamta an tar laiih ralkap pakhat ih pek mi sabit tithur a pek nak puan sia pakhat khal an kilkhawi. 2015 ah zangfah nak Jubilee kum kha tuah in Chalice khuat cu zangfah nak khuat tiin an ko. Himi thuthang cu Aleteia thuthang ihsin kan ngah mi a si.

Photo courtesy of: Shutterstock

https://bit.ly/3jZqVsP