Sr. Pathum le Puithiam pakhat India ram, Shillong ih lamzin pakhat ih accident ah nunnak cem.

motor_bahnak_ruangah_india_ah_nunnak_cem

Sr. Pathum le Puithiam pakhat India ram, Shillong ih lamzin pakhat ih accident ah nunnak cem.

          Lamzin ih accident pakhat ah, Feb 26, Ri Bhoi peng Umbang, belatmi phur tu mawtaw pakhat in keli nei Bolero a taik ngah ih Sr. pathum le Puithiam pakhat tel in minung 6 an rak thi. Kum 53 kim mi Fr. Matthew, kum 51 a si mi Sr. Melagrine Dantes FS, kum 28 a si mi Sr. Promila Turkey FS, Barama le Baanpara ih um Fatima convent ih kum 21 a si  mi Sr. Rossie Nongrum FS, Barama St. John’s HS School saya, Mairan, le mawtaw mawngtu pawl cu cui thilcang ah an rak thi. Sr. pathum cu the Sisters of Our Lady of Fatima (FS) congregation sungtel an si.

          Fr. Matthew cu Bongaigaon Diocese ih Barama Parish Puithiam a si.Shillong lam ih feh mi mawtaw (hmatpungtin number WB 41G 7268) cu khat lam zin in a feh ih kelinei mawtaw a taik ngah ih zaanlam 2:30 pm ah cui lamzin ah a rak feh.

          Bongaigaon Bishop, Thomas Pullopillil in cui thilcang ih a riahsiatnak langternak ih a rak ngan mi ah, “riahsiatnak tumpi thawn, cui thilcang cu Barama Parish ih Parish Puithiam, Fr. Matthew Das, Barama le Baganpara ih the Fatima convent ih St. pathum le Meghalaya ih Nongpoh kiangih Barama St. John’s High School ih saya pakhat in an rak tuar ti lo theih ter ka duh. Sr. Melagrine Dantes, Sr. Promila Turkey, Sr. Rossie Nongrum, saya Mariran, le mawtaw mawngtu cu Fr. Matthew thawn an rak thi tlang.

          “Zaanlam nazi 5 hrawngah mangbang thlak zet mi thuthang ka rak dong ih an ruak pawl a thlennak le ruakvuinak pawl cu neta ah than a si leh ding. An thlarau hnangam ten cawl thei hram seh,” tiah a rak sim bet. Cu vekin cui thilcang cu palik pawl hnenah an rak sim. Hi thuthang cu RVA thuthang ih kan ngah mi a si.

https://bit.ly/3IUlgUC

Add new comment

1 + 3 =