Sri Lanka ah Euro (465000) an rak bawm tiin a tul sam mi Diocese pawl ih a bawm rero tu pawlkom in sim. (July 21, 2022)

Sri Lanka ah Euro (465000) an rak bawm tiin a tul sam mi Diocese pawl ih a bawm rero tu pawlkom in sim.

(July 21, 2022)

              Catholic zaangfah lainatnak lam pawlkom pi pakhat a si mi ‘Aid to Church in Need’ (CAN) pawlkom in ramkhel lam harsatnak thawn tong aw rero mi Sri Lanka ram ah Euro (465000) cu ramsung Pathian hnatuan rero tu catholic Biaknak lam hotu pawl hnenin a rak kuat thu a rak tarlang.

Cui bawmnak pawl thawn Catholic Puithiam pawl cun a hlu pawl an ngah. Pathian hnatuantu pawl khal  tui dinhmun ah an mai Pathian hna tha ten tuan thei dingah bawmnak pawl an ngah ding. Ramsung sumdawnnak tawlrelnak ah palhnak pawl, tiliannnak a her awk rero ruangah Asia ram pawl ah datsi, ei in, siivai pawl um lo nak cu an nuntu khuasaknak le rampi ih tulsam mi pawl a siatsuah ter.

            Diocese dinhmun in sumpai an daihawk lo ruangah Pawlpi ih bomnak an dil nan tha ten an bom thei lo thu, hi sumdawnnak harsatnak cun Pathian hnatuantu pawl a siat suah thu, mipi thawng za leng lo pawl cu datsi, gas, cawhnawi, cini, fang, sii vai pawl lei dingah a tlartlar in an ding. Mipi tampi hnatuan nei lo ah an cang. Thilri man pawl khal dik lo tuk ih a man an rak kai thu Kandy ih Bishop Valence Mendis in Catholic zaangfah lainatnak pawlkom (CAN) ah a rak sim.

              Tu ahcun Sri Lanka ram ah ei in man hi a hlan hnak in zateek 80 tiang a kai. Tui dinhmun tiang sumpai kainak zateek 54 a um thu, cui rei lo te ah sumpai thannak zateek 70 tiang a um thei thu central bank in a ruat. Kan dung Zarhpi ni Angelus thlacam hlan ah Pope khal in Sri Lanka Biaknak lam hotu pawl hnenah mipi thatnak hrangih thu reltlang dingah le Sri lanka mipi pawl thawn khal thinkhat lungkhat ih a um thu a rak sim.

              Hi thuthang cu RVA thuthang ih kan ngah mi a si.

https://bit.ly/3J97iN2